Batxilergoa
Bidelaguntza da gure Batxilergoaren indargune nagusia. Ikasle bakoitzak bere helburuak lortzea ahalbidetzen dugu, entzute aktiboaren, arreta pertsonalizatuaren eta orientazio indibidualizatuaren bidez.
Jesuitak Donostian 2 Batxilergo eredu eskaintzen ditugu:
- GIZA ETA GIZARTE ZIENTZIAK
- ZIENTZIAK ETA TEKNOLOGIA
Eta bi hizkuntza eredu ditugu:
- D EREDUA: dena euskaraz.
- B EREDUA: gehiena euskaraz matematikak izan ezik.
Gure ikasleek 7,53ko batez besteko nota lortu zuten 2023-2024 ikasturteko selektibitatean, EAEko batez bestekoa baino 0,8 puntu gehiago.
Azken 10 urteetako selektibitateko emaitzak.
Metodologia esanguratsuak eta proiektuak
Orientazioa
Batxilergo etapa honetan, ikasleen etorkizun profesionalerako orientazioak garrantzi berezia hartzen du. Tutoreekin, pastoraltza taldearekin eta familiek lagunduta, jarduera-programa bat garatzen da. Era berean, unibertsitateen eta ikasle ohien bisitak jasotzen ditugu, ikasleek etorkizunerako aukera eta irtenbide ezberdinak ezagutu ditzaten.
Boluntariotza proiektua
Ikasleek boluntariotza egiten dute erakunde desberdinetan eskola-orduetatik kanpo. %45-65eko parte-hartzearekin, boluntariotza proiektuak islatzen du gure ikasleengan sustatu nahi dugun “besteei laguntzeko pertsonak” izatearen balioa.
Tutoretza plana eta aniztasunaren trataera
Tutoretza planari esker, ikasle bakoitzari laguntza pertsonalizatua eskaintzen diogu, gelako aniztasunari erantzun eta bakoitzarentzat irtenbide onena bilatzeko. Ikasle guztiak desberdinak direla badakigu eta gure erronka da bakoitzari bere bidea aurkitzen laguntzea.
Hizkuntza proiektua
Ikasleen hizkuntza-gaitasunak garatzen ditugu euskaraz, ingelesez eta frantsesez (azken hau aukerakoa da). Batxilergoa amaitzean, ikasleek honako mailak lortzen dituzte: Euskara B2 (Ziurtagiria, euskaraz hautatzen dituzten ikasgaien arabera), Ingelesa B2 eta Frantsesa B1.
Ikasleak euskarazko C1 lortzera animatzen ditugu.
Ingelesa eskolaz kanpoko jarduera gisa egiteko aukera dago (Lacunza)
Elkarbizitzak
Egunerokoaz haratago, Elkarbizitzak geldiune bat dira, ikasleek euren buruarekin eta munduarekin konektatzeko. Elkarbizitzak pastoral taldeak gidatuta gauzatzen dira eta helburua ikasleek euren burua ezagutzea, barnetasuna lantzea eta elkarren arteko harremanak sustatzea da. Proiektu transbertsala da, ikasleen garapen espirituala lantzea xede du eta maila guztietan lantzen dugu.
Arrupe
Arrupe Elkartea ikastetxeko aisialdi-taldea da. Batxilergoan, ikasleek Arrupe Sendoa programan parte hartzen dute. Arrupe Elkartea ikasle ohien lankidetzari esker garatzen da, eta pastoral taldearen eta hezitzaileen laguntza jasotzen du.
Elkartrukaketak
Batxilergoko 1. mailako ikasleek Poloniako ikastetxe bateko ikasleekin elkartrukaketa egiten dute. Elkartrukaketen bidez beste kultura eta errealitate batzuk ezagutzeko aukera eskaintzen dugu, eta, aldi berean, ingelesa hobetzen laguntzen diegu ikasleei.
Beste ekintza batzuk
Batxilergoan irteerak, jarduera bereziak, ospakizunak, jaiak eta ekimen solidarioak egiten jarraitzen dugu. Era berean, jangela, eskolaz kanpoko jarduerak, udako atzerriko esperientziak eta beste hainbat zerbitzu eskaintzen ditugu.
Ordutegia
1. Batxilergoa
Astelehena / Asteartea / Asteazkena / Osteguna > 8:20 – 15:05
Ostirala > 8:20 – 14:10
Ostirala > 8:20 – 14:10
2. Batxilergoa
Astelehena / Asteartea / Osteguna > 8:20 – 15:05
Asteazkena / Ostirala > 8:20 – 14:10
Asteazkena / Ostirala > 8:20 – 14:10
Banakako bilera bat nahi duzu?
Batxilergo proiektuari buruz gehiago jakiteko, jarri gurekin harremanetan!