Mahi Mahi proiektua
Eguerdiko momentua gozatzeko eta bizitzeko modu berria.
Mahi Mahi proiektuari esker, eguerdiko momentua esperientzia bikaina eta hezitzailea bihurtu da Jesuitak Donostian. Gure ikasketa eredua aintzat hartuz, proiektu desberdin eta berdingabea diseinatu dugu gure jangelan eta patioan. Espazio honen garapenean bidelagun izan dira Askorako taldea, hezitzaileak, familiak eta ikasleak. Gipuzkoan Mahi Mahi proiektua ezarri duten 3 zentroetatik 1 gara. Gure ikastetxean, Lehen Hezkuntzako 3. ikasturtetik aurrera ezarri dugu.
Jantokiko eta patioko esperientzia gai baten, argi-izpi baten, inguruan eraikitzen da hilero. Lantzen ditugun gaiak, honako hauek dira: aniztasuna, jolasa, esker ona, talentuak, iraunkortasuna, etab.
Gure jangela ezagutu.
![mahi mahi-kaitoki Etapa Infantil Jesuitak Donostia San Ignacio Ikastetxea](https://donostiajesuitak.org/wp-content/uploads/2022/10/mahi-mahi-kaitoki-scaled.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Jangelara bidaia
Bidaia Kaitokian hasten dugu. Ikasleak seinaka antolatzen dira eta poltsa magikoari esker, otorduan zehar bakoitzak bete beharko duen rol banaketa egiten dugu. Ondoren, Zubixkara pasatzen dira. Minutu batzuetan eseri eta lasai egoteko espazioa da Zubixka, ezinbesteko unea ikasleak jangelara janariaz gozatzeko eta lasai egoteko jarrerarekin sar daitezen.
![rolak Etapa de primaria Jesuitak Donostia San Ignacio Ikastetxea](https://donostiajesuitak.org/wp-content/uploads/2022/10/rolak-scaled.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Gure piratak, protagonistak
Mahi Mahi proiektua jangela kooperatibo baten ideian oinarritzen da, eta bertan ikasleak elkarbizi eta protagonistak dira. Modu honetan, erantzukizunari eta autonomiaren garapenari lotutako abileziak lantzen dituzte. Jakitori, Superpitxer, Platerpower, Tresnastar, Garbipuxk eta Ko-lagun rolei esker, ikasle bakoitzak zeregin propio bat izango du, besteak beste, mahaia jartzea, janaria banatzea, platerak jasotzea, etab.
![Jesuitak_MahiMahi Secundaria Jesuitak Donostia San Ignacio Ikastetxea](https://donostiajesuitak.org/wp-content/uploads/2022/07/Jesuitak_MahiMahi.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Bi jangela: Emeki eta Tita.
Jangela bi gunetan banatuta dago: Emeki eta Tita. Emekik jateko modu lasaia eta kooperatiboa sustatzen ditu, talde bakoitzaren erritmoak errespetatzen ditu, familian bazkalduko bagenu bezala. Honez gain, eguerdian PARAeskolar ekintzak dituzten ikasleek azkarrago jan ahal izateko Tita espazioa dago. Bertan, bazkaria autozerbitzu bidez hartzen dute.
![mahimahi Etapa Infantil Jesuitak Donostia San Ignacio Ikastetxea](https://donostiajesuitak.org/wp-content/uploads/2022/10/mahimahi.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Egun bereziak: ostegunak, egun berdeak eta urtebetetzeak
Ostegunero esperientzia desberdinak antolatzen dira jantokian eta patioan: argi-izpiari lotutako bizipenak, munduko janariak probatzeko menuak, etab. Gainera, hilean behin, egun berdea antolatzen dugu, animalia-jatorriko proteinarik gabe egindako menu-eguna.
Gure ikasleen urtebetetzeak ere ospatzen ditugu! Egun horietan, mahai, lagunarte eta postre berezia izango du protagonistak, bere urtebetetzea jangelan ospatzea urtero ahaztezina izan dadin!
![JSTK_Dinamikak_Orig_225 Etapa de primaria Jesuitak Donostia San Ignacio Ikastetxea](https://donostiajesuitak.org/wp-content/uploads/2022/10/JSTK_Dinamikak_Orig_225-scaled.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Mahi Mahi postontzia
Ikasleek haien iruzkinak idatzi edo marraztu ditzakete postontzian uzteko. Menu berriak egiteko ideiak, interes edota hobekuntza ekarpen guztiak aztertu eta ezartzen ahalegintzen gara!
![materialak-mahi-mahi Etapa Infantil Jesuitak Donostia San Ignacio Ikastetxea](https://donostiajesuitak.org/wp-content/uploads/2022/11/materialak-mahi-mahi.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Materialen karroa
Jolas, esterila, margo eta abarrekin osatutako materialen karroa eskura dute ikasleek. Patioko unean jolas berriak txertatzea xede du ekimenak, momentu honen bidez esperientzia aberastu eta ikasleen interesen aniztasunari erantzuteko. Gainera, materialen erabilera partekatuak, ikasleen elkarbizitza landu eta bultzatzen du.
![mahi-mahi fruta Etapa de primaria Jesuitak Donostia San Ignacio Ikastetxea](https://donostiajesuitak.org/wp-content/uploads/2022/11/mahi-mahi-fruta.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Frutaren karroa
Gazteen artean fruta kontsumoa sustatzeko xedez, ikasleek modu librean hartzeko fruta karro bat jarri dugu patioan. Gainera, jantokira joateko itxaron behar badute, fruta-pieza bat jateak antsietate gutxiagorekin sentitzea eta janaria lasaiago dastatzea eragiten du.
![kutxa misteriotsua Secundaria Jesuitak Donostia San Ignacio Ikastetxea](https://donostiajesuitak.org/wp-content/uploads/2022/11/kutxa-misteriotsua.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Kutxa misteriotsua
Hilabetean bi aldiz ikasleek kutxa misteriotsua topatuko dute ekintza sorpresa batekin.
![jueves Etapa Infantil Jesuitak Donostia San Ignacio Ikastetxea](https://donostiajesuitak.org/wp-content/uploads/2022/10/jueves.jpg)
![Flecha Verde Jesuitak Donostia San Ignacio Ikastetxea](https://donostiajesuitak.org/wp-content/uploads/2022/01/Flecha-Verde-Jesuitak-Donostia-San-Ignacio-Ikastetxea.png)
Tailerrak eta bertako ekoizleen bisitak
Elikadura jasangarrira lotutako tailerrak, bertako ekoizleekin ekimenak… Elikadurari lotutako ohitura osasungarriak sustatzeko eta ikasleak sentsibilizatzeko erronkari erantzunez, ekimen desberdinak antolatzen ditugu jangelan, patioan eta ikasgela barruan.