Lehen Hezkuntza
Jarraian ikasgelan ezarri ditugun hainbat erreminta, estrategia eta proiektu esanguratsu aurkezten ditugu.
Jesuitak Donostian eguna 3 momentutan antolatzen dugu: Egunaren irekiera edo Momentu Biribila, Ekintzaren garapena eta Itxiera.
> Autonomiaren garapena nola lantzen dugun jakin nahi al duzu?
Egunaren irekiera
Momentu Biribilarekin ekiten zaio egunari. Gogoeta eta barnekotasuna latzeko unea izateaz gain, ikasleekin egunaren planifikazioa aztertzen dugu Agenda Digitalaren bidez eta eguneko helmuga zehazten dugu Momentu Biribila koadernoa erabiliz.
Gure ereduak ikasleen autonomia garatzea du oinarri eta, horretarako, planifikazioa eta helmuga bidezko lana garatu beharreko ezinbesteko abileziak dira. Horregatik, erreminta propioak sortu ditugu horien lanketa egokia bermatzeko, besteak beste, Agenda Digitala eta Momentu Biribila koadernoa.
Ekintzaren garapena
Ekintzaren garapenean, ikasleek egunean zehar gauzatu beharreko jarduerak egiten dituzte. Saio bakoitzaren aurretik helmugak zehazten dira eta saioaren amaieran helmugaren lorpen maila neurtzen dute ikasleek. Modu honetan, ikasleak euren aurrerapenen kontzientzia lantzen dute.
Ordutegiak, edukiak eta gelako dinamikak eraldatu ditugu ikasleen ikasketa prozesua hobetu eta esanguratsua izan dadin. Horregatik, etapa jarraian aipatzen diren proiektuetan antolatu dugu: Bai ala Bai, Ulermen proiektuak, Arts eta Ikasgai espezifikoak.
Ordutegia eta antolakuntza
Bai ala Bai
Ikasleen etorkizuneko formakuntzan ezinbestekoak diren oinarrizko gaitasunak lantzen dira, hala nola, irakurketa-idazketa automatizatzeko prozesua.
Bai ala Bai proiektuaren indargunea da ikasketa ikaskuntza eraginkor eta motibagarri bat sustatzen duela. Bai ala bai egunero lantzen da, ikasleak mugitzen joaten dira eta denbora laburretan antolatzen da, ikasleen arretarako tartea errespetatuz. Lan egiteko formatu dinamiko eta konstante honek ikasketa esanguratsua indartzen du.
Ulermen proiektuak
Proiektu bidezko ikaskuntzaren helburua ulermenerako irakaskuntza sustatzea da. Ikasleek ikasten dutena ulertzen dute eta egoera ezberdinei, edo planteatutako egiazko erronkei, erantzun berritzaileak emateko gai dira ikasi dutena erabiliz.
Proiektu horiek zeharkakotasuna eta ezagueren eta curriculum-arloen konexioa bermatzen dute, baita talentu guztiekin konektatutako konpetentzia eta trebetasunak txertatzea ere.
Arts
Musika eta Plastika irakasgaien fusioa da Arts. Bi diziplinak konbinatzeak jarduera berriak garatzeko aukera ematen du, edukiek errepresentazio plastikoa eta musikala dute-eta.
Ikasgai espezifikoak
Irakasgai espezifikoak irakasteko eta indartzeko erreserbatutatko espazioa da.
> 1.zikloa: Matematika, Ingelesa, Gorputz Hezkuntza eta Erlijioa.
> 2. zikloa: Ingelesa, Gorputz Hezkuntza eta Erlijioa.
Metodologia esanguratsuak eta proiektuak
Ikasketa etapak eta lan autogidatua
Ikasleen ikasketa esanguratsua bermatzeko unitate didaktikoak 4 etapetan antolatu ditugu. Etapa bakoitzak bere helburu eta eduki propioak ditu eta burmuinak duen ikasteko ibilbide naturala aintzat hartzen du: abiapuntua, gaiari lotutako aurre-ezagutzak aztertzen ditugu; ikerketa, ezagutza areagotu eta dakigunarekin konektatzeko etapa; abileziaren garapena, ikasitakoa praktikan jartzeko; eta elkarbanatu, ikasitakoa testuinguru berrietan ezartzeko unea horri esker balio erantsi bat eskaintzeko xedearekin.
Honez gain, gailu digitalek eta egin dugun edukien lanketak ikasleen lan autogidatua sustatzeko lehen urratsak ematea ahalbidetzen du. Modu honetan, ikasleen autonomia lantzen dugu eta honek aukera ematen digu hezitzaileen bidelaguntza ikasleen beharretara egokitzeko eta ikasketa pertsonalizatua posible egiteko.
Robotika eta programazioa
Lehen Hezkuntzako etapa osoan zehar eta kurrikulum-aren barruan kode hizkuntza lantzen dugu. Robotika eta programazioaren lanketaren bidez sormena, pentsamendu konputazionala eta kontzeptu matematiko ugari ikasten dituzte ikasleek. Robotika astero lantzen da.
Elkarbizitzak
Bi egunez ikasleek gai desberdinak lantzen dituzte pertsonaren garapen integrala sustatzeko, barnekotasuna lantzeko, ikasleen arteko harremanetan sakontzeko eta fedea garatzeko. Proiektu transbertsala da, ikasleen garapen espirituala lantzea xede du eta ikasle guztiekin maila guztietan lantzen dugu.
ABN matematikak
Era manipulatiboan, esperimentalean eta ikaslearen errealitatean hurbilekoak diren egoerak eta materialak erabiliz matematika lantzea proposatzen duen metodologia da. ABN metodologiak, gainera, ikasketa pertsonalizatua sustatzen du, izan ere, izaera irekia du: emaitzara bide desberdinetatik heldu daiteke, ikasle bakoitzak duen arrazoibidea errespetatuz. Honen guztiaren helburua matematikak modu erakargarrian irakastea, ikasleen motibazioan eragitea eta ulermena indartzea da.
Bitartekaritza proiektua
Ikasleen arteko gatazkak konpontzeko garatu dugun prozesua da. Enpatia, emozioak eta ikasleen harremanak lantzea xede ditu ekimenak, ikasleak protagonista direla: eurek eskatu behar dute bitartekaritza prozesua abiatzea eta bitartekari lanetan aurretik horretarako prestatu diren ikasleak jarduten dira. Bitartekaritza proiektuaren helburua ikasleak entrenatzea da, etorkizunean ere gatazken aurrean izan behar duten jarrera eta lanketa barneratzeko.
Hizkuntza proiektua
Hizkuntza proiektua ikastetxeko etapa osoan zehar ikasleen euskarazko, gaztelaniazko, ingelesezko eta frantsesezko gaitasun komunikatiboak sustatzeko apustua da. Ikasketa prozesu egokia bermatzeko, besteak beste, irakasle natiboak egoten dira klasean, beste herrialdeetako ikasleekin elkar-trukaketak gauzatzen dira eta hainbat ikasgai atzerriko hizkuntzetan ematen dira.
Egunaren itxiera
Momentu Biribila koadernoa erabiliz, egunaren itxieran egunaren azterketa egiten dugu. Eguneko helmuga lortu ote dugun aztertzen dugu, bizitakoaz hausnartzen dugu, nola sentitu garen eta zer ikasi degun ikusten dugu, guztiaz konsziente egin eta esker ona sentitzeko.
Ebaluazio honi esker, ikasleak euren ikasketa prozesuaz kontziente egiten dira eta hau funtsezkoa da etengabeko hobekuntza gakoan lan egiteko.
