Batxilergoko ikasleek dagoeneko hartu diote neurria ikasturteari, eta prest daude orientazio-prozesuan buru-belarri murgiltzeko. Azaroan zehar, hainbat ekimen antolatuko ditugu, etorkizunari buruzko erabakiak hartzeko bidean bidelagun izateko.
Prozesuari hausnarketarako elkarbizitzekin emango diogu hasiera. Bertan, ikasketen inguruan ez ezik, bizitzan hartu nahi duten norabideari buruz ere hausnartzeko aukera izango dute. Gainera, azaroaren 16ko astean, Orientazio Astea ospatuko dugu. Hainbat unibertsitate eta Lanbide Heziketako ikastetxetako ordezkariak etorriko dira gurera, beren hezkuntza-eskaintza aurkeztera eta ikasleen zalantzak argitzera.
Batxilergoko 1. mailako ikasleekin ere hainbat jarduera egingo ditugu. Besteak beste, Gizarte Zientzietako ikasleek Nafarroako Unibertsitateak antolatutako Zientzia eta Komunikazio Astean parte hartuko dute azaroaren 12an.
Orientazioak berebiziko garrantzia du Batxilergoko etapan, eta gure ikastetxean ikasturte osoan zehar lantzen dugu. Horretarako, ikasleekin banakako elkarrizketak, ikasle ohien bisitak eta bestelako ekimenak antolatzen ditugu.
Helburua argia da: ikasleen eta familien ondoan egotea erabakiak hartzeko prozesuan, bakoitzaren beharrei erantzunez eta etorkizuneko bidea aukeratzen lagunduz.