Lehen Hezkuntzako 6. mailako ikasleek parte hartu dute Diario Vasco-k sustatzen duen Gure Eskola proiektuan. Egun batez kazetari txiki bihurtu ziren, ikastetxeari buruz hitz egiteko asmoz.
Aurtengo edizioan Batxilergoko ikasleei elkarrizketa egitea erabaki zuten. Oso aukera polita izan zen beren bizipenak ezagutzeko, ikastetxearekiko duten ikuspegia partekatzeko eta hainbat aholku jasotzeko. Horrez gain, ikastetxean zehar ibili ziren, eta azken urteotan zenbat aldatu den ikusteko parada izan zuten.
Eskerrik asko Diario Vasco-ri ekimen hau sustatzeagatik, eta gure ikasleei, egindako lan bikainagatik!
Lehen Hezkuntzako 6. mailako ikasleek San José de la Montañarekin lankidetzan egiten dugun Belaunaldien arteko proiektua kontatu dute Diario Vascon. Horretarako, proiektu honetan parte hartzen duten pertsona desberdinak elkarrizketatu dituzte. Esteka honetan albiste osoa ikusgai.
Oso esperientzia polita izan da! Mila esker horrelako aukerak emateagatik.
Aurten diariovasco.com-ek bere 20.urteurrena ospatzen ari da eta, testuinguru horretan, diariovasco.com Sarien 2015eko edizioak, azaroak 19an Orona Ideo-ko Berrikuntza auditorioan ospatu dena, bere arloan profil berritzailea izategatik nabarmentzen diren zenbait erakunde, instituzio eta pertsonak goraipatuko ditu. Hortaz, besteen artean, hurrengo arloak saritu ziren: berrikuntza kulturan, kirolean, hirugarren sektorean, zientzian, etabar, 11 sari banatuz.
Hezkuntzan berrikuntza kategorian, Jesusen Lagundiko ikastegiak eta, zehatz mehatz, Donostiako Jesuiten ikastetxea, sarituak izan dira, “hezkuntza-hobekuntzarako teknologia berriak gehitzeko egindako lan iraunkorragatik”. Horrela aurkeztu gintuzten:
Duela zenbait urte egiten ari garen lana kontuan hartuz, sari hau jasotzeak ilusioz eta adorez bete gaitu amets egiten eta gure ikasle, familia eta hezitzaileei hoberena emateko lanean jarraitzeko, erantzun berriak eskatzen dizkigun XXI.mende honetan.
MILA ESKER eta ZORIONAK goraipamen hau jasotzeko, modu batean edo bestean, lagundu duzuen pertsona guztioi. Hezitzaileei, irakasle zein irakasle ez direnak, hainbesteko lanarekin hezkuntza aldatzea posible egiten ari direnak. Ikastetxeko familiei, hezkuntza-berrikuntzan dugun interesean guztiz fidatzen direla eta proposatu eta garatzen ditugun hobekuntzetan beti euskarri direla. Ikasleei, sartutako hobekuntzak ondo eta motibazio handiarekin onartzen dituztela. Eta aldaketa hau garatzeko erreminta eta sistema hobeak aukeratu ahal izateko ikerketan lankidetzan ari garen hezkuntza arloko eta Jesusen Lagundiko pertsona eta erakunde guztiei.
ESKERRIK ASKO teknologia berriak gure ikastetxeko irakaskuntza-ikaskuntza prozesuan ezartzeko egindako ahalegin eta lan guztiengatik.
Hona hemen saria jasotzerakoan Amaia Arzamendik esandako hitzak:
