Guraso bileren datak: 2026ko iraila
Aurtengo guraso bileren datak gogorarazi nahi dizkizuegu. Mila esker!
Odola emateko ekimen arrakastatsua!
Biologiako ikasleek sustatutako odol-emate ekimenak hirugarren edizioa ospatu du aurten, eta berriz ere erantzun bikaina jaso du. Guztira, 30 lagunetik gora hurbildu ziren pasa den astean odola ematera, eta horietatik %50 baino gehiago lehen aldiz izan ziren emaile.
Ekimenaren helburua odola ematea sustatzeaz gain, kausari ikusgarritasuna ematea ere bada. Pozik gaude ikastetxetik egindako ekarpen txikiak urtez urte gero eta oihartzun handiagoa duelako.
Eskerrik asko Gipuzkoako Odol Emaileen Elkarteari gurera etortzeagatik eta erakutsitako prestutasunagatik. Datorren urtean ere elkar ikusiko dugulakoan gaude; izan ere, hurrengo hitzordurako data badugu jada: 2027ko maiatzaren 20a. Animatu!
Ver esta publicación en Instagram
Otsailean zehar, ospakizunekin jarraituko dugu!
Prest al zaudete?
Otsailaren 4an, Lehen Hezkuntzako 3. eta 4. mailako ikasleak Nafarroa Behera plazara aterako dira goizean, Santa Ageda bezpera auzoan ospatzeko.
Otsailaren 6an, 5 urteko ikasleek Kaldereroak ospatuko dituzte, eguraldia lagun bada, ikastetxeko patioan.
Eta ospakizunei amaiera emateko, otsailaren 13an Inauteriak ospatuko ditugu! Ikasle zein hezitzaileak ilusio handiz ari dira prestatzen ikastetxea kolorez betetzeko. Gogoratu, hezitzaileen kasuan etapaz etapa gai bat aukeratu dutela… zein izango ote da?
Arrupek ere arratsaldeko ekintza berezi bat antolatuko du DBHko 1. eta 2. mailako ikasleentzat.
Oharra: gogoratu otsailaren 16a jaieguna dela.
2026-2027 matrikulazioa: otsailak 2-13
Eusko Jaurlaritzak aurtengo matrikulazio datak iragarri ditu. Beraz, ikasle berriak ikastetxean matrikulatu behar dituzuen familiak, adi! Urtero bezala, gogoratu matrikula ikastetxean bertan egitea gomendatzen dizuegula.
Orrialde honetan matrikulazio prozesuaren inguruko intereseko informazioa topatuko duzue.
Desinformazioaz eta teknologia berrien erabileraz hitz egin dugu Onda Vascan
Azaroaren 14an, Onda Vascak Jesuitak Donostia bisitatu zuen gure proiektu teknologikoa eta teknologia arduratsuaren erabilera lantzeko martxan ditugun ekimenak bertatik bertara ezagutzeko. Izan ere, gaur egun hezkuntzak badu erronka handi bat: desinformazioari eta sareetako arriskuei aurre egitea.
Elkarrizketan hezitzaileek eta ikasleek parte hartu zuten, gaitasun digitalak egunerokoan nola lantzen ditugun ikuspegi desberdinetatik ulertzeko asmoz.
Elkarrizketa osoa Onda Vascaren webgunean entzuteko aukera duzue.
Batxilergoko ikasleei elkarrizketa!
Lehen Hezkuntzako 6. mailako ikasleek parte hartu dute Diario Vasco-k sustatzen duen Gure Eskola proiektuan. Egun batez kazetari txiki bihurtu ziren, ikastetxeari buruz hitz egiteko asmoz.
Aurtengo edizioan Batxilergoko ikasleei elkarrizketa egitea erabaki zuten. Oso aukera polita izan zen beren bizipenak ezagutzeko, ikastetxearekiko duten ikuspegia partekatzeko eta hainbat aholku jasotzeko. Horrez gain, ikastetxean zehar ibili ziren, eta azken urteotan zenbat aldatu den ikusteko parada izan zuten.
Eskerrik asko Diario Vasco-ri ekimen hau sustatzeagatik, eta gure ikasleei, egindako lan bikainagatik!
Hemen duzue elkarrizketa osoa ikusgai!