Moodle | Correo electrónico | Alexia

Jesuitak Donostia San Ignacio Ikastetxea

Moodle | Correo electrónico | Alexia

Jesuitak

2. DBHko ikasleen ekarpena gure mundua hobetzeko

Ekainak 19, 2024 | Berriak

2. DBHko ikasleek idatzi hau prestatu zuten Erlijioa ikasgaian aurrera eraman duten lana aurkezteko. Proiektu honen helburua ikasleek kausa desberdinetan euren ekarpena egitea izan da, mundua hobetzeko bidean haien inplikazioa sustatzea.  Gure ikasleak “BESTEEI LAGUNTZEKO PERTSONAK” bilakatzen ari dira, inplikatu eta konprometituak. Eraldaketa sustatzeko pertsona aktiboak. Eta hori ikusteak eragiten duen poztasunarekin elkarbanatu nahi dugu idatzia.

Proiektu honen helburu nagusia beste ikasleek klasean zer egiten dugun ikustea izan da, gehien bat, ikasle txikiagoek. Halaber, gurasoek zer egiten ari garen jakitea nahi dugu.

Urte honetan zehar, erlijioko ikasgaian gauza pila bat egin ditugu, baina orain ez gara hasiko horri buruz hitz egiten… Kontatu nahi dugun proiektu honen barruan, lehenik hasi ginen pelikula zoragarri bat ikusten,  “cadena de favores” izenekoa. Pelikula honetan ikusten da irakasle batek beraien ikasleei eskatzen diela ideia bat mundua aldatzeko. Ikasle gehienek ez zioten garrantzia gehiegi eman, baina, ikasle bat asko saiatu zen proiektu hau aurrera eramaten eta, honen ondorioz, mundua aldatzea lortu zuen. Orduan gure erlijioko irakasleak galdera bera egin zigun. Eta hau izan zen gure nota igoerako proiektua, ideia bat pentsatzea mundua aldatzeko.

Hurrengo asteetan taldeka proiektu ezberdinak pentsatu ziren, guztira 7 proiektu ezberdin atera ziren, eta 7 talde hauek haien proiektuak aurkeztu zituzten klase aurrean. Ideia hauek ikusi ondoren eta hauei buruz hizketan, bi proiektu nagusi atera ziren.

Caritasen laguntzarekin bi azpi proiektu sortu ziren, baina, gutxi gora behera ideia berdinarekin, motxilak eta lo zakuak lortzea etxegabeko jendearentzat. Motxilak, beraiek duten guztia han sartzeko. Batzuetan ez dituzte eta motxilarik ez badaukate ezingo dute beraien behar handiko gauzak beraiekin eraman, horregatik proiektu bat motxilen bilketa izan da. Bestea, lo zakuak, ideia berdina dauka, lo zakuak lortzea, etxerik ez duten pertsonei emateko. Batzuetan ez dutelako lo egiteko lekurik edo gauza erosorik. Bi proiektu hauek, caritasekin egiten ari garenez, caritaseko bi boluntario etorri ziren eta gure ideiak sakontzen lagundu ziguten.

Beste proiektua, gure patioaren garbitasunari lotuta dago: birziklatzea oso dibertigarria da. Proiektu honen ideia nagusia gure patio handia garbitzea da. Ideia hau emankorragoa izateko ikerketa bat egiten ari gara zakarrontzien lekuak ikertzen, garbitzaileekin hitz egiten, eta patioko ontzien aurrean ikuskatzen, gero patio ordua amaitzean zaborra lurretik hartzen eta ontzi egokian sartzen.

Gogoratu! Birziklatzea oso inportantea da. Animatu zaitez!

Biologiako ikasleek martxan jarritako odola emateko ekimen polita!

Maiatzak 6, 2024 | Berriak

Ikasleek eta hezitzaileek bat egin zuten odola emateko ekimerarekin, eta deialdiak izan zuen arrakasataren ondorioz, ekintza bi egunez egingo zen. Ikasleak harrituta eta oso eskertuta agertu ziren jasotako erantzunarekin.  

Pasa den ostegunean, goizeko 9:00etan Gipuzkoako Odol Emaileak lanean hasi ziren gure ikastetxean eta bi egunez hezitzaile eta ikasleak odola ematera gerturatu ziren kausarekin bat egiteko. Ekimen hau 2.º Batxilergoko ikasleen inplikazioari esker martxan jarri zen. Lehen aldia da Jesuitak Donostian  Gipuzkoako Odol Emaileen elkartearekin kolaboratzen dugula, baina seguruenik ez da azkenekoa izango.

Biologiako irakaslearen ideia gisa sortu zen guztia. Proposamena luzatu zuen eta hainbat ikaslek egitasmoarekin inplikatzea erabaki zuten hau aurrera eraman ahal izateko. Proiektuaren helburua hezkuntza-komunitateko pertsonak odolo-ematearen kausan inplikatzea zen, ahalik eta odol-emaile gehien lortzea, alegia. Horretarako, ikasleek hainbat ekintza egin zituzten proiektuaren barruan: komunikazio kanpaina bat prestatu zuten eta sentsibilizazio-bideo bat egin zuten, ikasgeletan aurkezpenak egin zituzten parte-hartzea sustatzeko, eta inskripzio-formulario bat sortu zuten hezitzaileen artean zabaltzeko.

Guzti honekin 50 lagunen erantzuna jaso zuten eta, ondorioz, ekintza egun batekoa izatetik bi egunera pasa behar izan zuten.  Bide honetan, ikasleek ekimena azaldu digute! Ikusi!

Jangela desberdin eta paregabea

Otsailak 14, 2024 | Berriak

Mahi Mahi proiektuari esker, eguerdiko momentua esperientzia bikaina eta hezitzailea bihurtu da Jesuitak Donostian. Gipuzkoan Mahi Mahi proiektua ezarri duten 3 zentroetatik 1 gara. Gure ikastetxean, Lehen Hezkuntzako 3. ikasturtetik aurrera ezarri dugu. Proiektu honi esker, jangela zerbitzu izateatik espazio hezitzaile bat izatera pasa da. Bertan ikasleen autonomia sustatzen dugu eta beraiek dira protagonista.

Nola lantzen dugu autonomia Haur Hezkuntzan?

Urtarrilak 30, 2024 | Berriak

Ikasketa pertsonalizatua eskaintzeko bidean, gaur badakigu autonomiaren garapena funtsezko elementua dela. Baina zer da pertsona autonomoa izatea? Nola ulertzen degu Jesuitak Donostian autonomiaren kontzeptua? Eta, batez ere, nola lantzen ari gara ikasleekin?

Argi dago, ez garela autonomo jaiotzen eta, urteak betetze hutsagatik, ez garela pertsona autonomoetan bilakatzen. Autonomia landu egin behar da modu pautatu, sistematizatu eta planifikatuan. Eta horretan dihardugu ikastetxean. Regina Aricetak, Haur Hezkuntzako eta Lehen Hezkuntzako proiektu arduradunak bideo honetan, labur labur, hainbat gako eman dizkigu!