Azaroaren 25eko partidak
Gaur LH 5. mailako nesken taldea Diario Vascon agertu da. Bide batez, hemen dituzue larunbateko partiden ordutegiak!
2. Batxilergoko ikasleen Orientazio Astea
Eta Batxilergoa amaitzerakoan zer? Galdera honi erantzunik egokiena bilatzeko asmoz, ikastetxean Orientazio astea antolatu dugu Batxilergoko 2. mailako ikasleentzat.
Orientazioa Asteari hasiera emateko, aurreko aste amaieran ikasleek Pastoral proiektuaren baitan gauzatzen diren Elkarbizitzak izan zituzten. Elkarbizitzetan gai desberdinak lantzen dituzte ikasleek euren beharretara edota etaparen arabera egokituz. Aurreko asteko saioaren kasuan, esate baterako, gai nagusia aukeraketaren garrantzia izan zen, horrela norberak bere bizi proiektua eratzeko bidean hartu beharreko erabakien garrantziaren inguruan hausnartu zuten ikasleek.
Abiapuntua hau izan bazen ere, Orientazio Astearen helburua ikasleek etorkizuneko bide eta aukera desberdinak ezagutzea ere bada. Ondorioz, ikasketa desberdinetako eta Unibertsitate desberdinetako ordezkariak etorriko dira egunotan ikastetxera euren eskaintza aurkeztera. Atzo EHU-UPVren bisita jaso genuen, gaur Deustuko Unibertsitatera joan dira ikasleak, bihar Nafarroako Unibertsitatearen txanda izango da eta etzi, ostegunean alegia, Mondragon Unibertsitatea etorriko da aurkezpena egitera.
Asteari amaiera emateko, ostiralean, ikasle ohien bisita jasoko dugu! Euren ikasketetan murgilduta dauden hainbat ikasle ohi gelaz-gela arituko dira euren esperientziak partekatzen. Batzuk Zikloetan eta besteak Graduetan, ikasle hauen helburua, lehen pertsonan bizitakoa kontatuz, 2. Batxilergoko ikasleak bizitzen ari diren aukeraketa prozesu honetan laguntza eskaintzea izango da.
Azkenik, aipagarria da ikasleen bizitzako etapa honetan ikastetxean bidelagun izateko dugun erronka. Ondorioz, Orientazio Asteaz gain, bigarren hiruhileko Tutoretza Planaren ildo nagusia ere prozesu honetara bideratuko da.
Eskola kirola: azaroaren 18ko ordutegiak
Antolatu asteburua, larunbateko partiduen ordutegiak jada hemen dituzue!
Elkarrekin gehiago gara topaketa
24 ordu baino ez ziren izan, baina probetxu handikoak MAGIS topaketan bildutako bataz besteko 100 gazteentzat.
Baina, zer da topaketa hau? Duela bi urtera arte Arrupeko topaketa zen honek aforoa handitu du igaziotar gazte eta helduak bertan sartuz. 18 eta 30 urte bitarteko gazteak biltzen ditu topaketak, plataforma desberdinen bitartez boluntario direnak eta ignaziotar espiritualitatearen arabera bizi direnak, alegia.
Topaketa azaroaren 3an, ostirala, hasi zen, gaueko 20:00etan. Aurtengoan gure ikastetxeari zegokion anfitrioi izatea, beraz, photocall, berrelkarketa eta motxilak kokatu ondoren, lehen ekimena iritsi zen: komunitate arteko azoka. Beran Euskadi eta Nafarroako gazte talde jesuitak ugari ezagutu genituen: Tuterako Montaña Quetzal taldea, Iruñeako Arrupe, Iruñeako Unibertsitateko Komunikatea, Scouts V Tropa Pamplona, Arrupe Bilbao, MAGIS Bilbao, Indautxuko Scout-ak, Cofradía Santa Eucaristía Indautxu, CVX Bilbao, Fundación Ellacuría, ALBOAN, Arrupe Durango eta Arrupe Donosti. Arlo honetan bakarrik ez gaudela jabetzeko beste une bat izan zen azoka; elkarrekin gehiago garela kontziente izateko.
Larunbateko jornada esker onaren inguruan gauzatu zen, aurtengo indar lerroen leloa oinarri. Goiz osoan zehar begirada atzera bota genuen, gure historia gogoratu eta gure egunerokoari begiratuz: eskerrak emateko momentu onak, krisiak, erabakiak, pertsonak… Honez gain esker onaren artista izateko ere aukera izan genuen, material desberdinen bitartez egindako hausnarketa irudikatzeko, alegia. Honekin batera, beste komunitateekin lana partekatzeko aukera izan genuen.
Arratsaldean ignaziotar MAGIS-a pixka bat gehiago ezagutu ostean, Esti, Iñigo eta Miren-en testigantzak entzun genituen, euren egunerokotasunean esker ona eta Magis-a nola bizitzen duten azaldu ziguten. Beraiekin bizitakoaren ondoren eta topaketari amaiera emateko Eukaristia ospatu genuen. Giroan bizitako gauza on guztiengatik esker ona sentitzen zen.
24 ordu baino ez ziren izan, baina nahikoa uharte independenteak ez garen guren bizitzetan esker ona sentitzeko eta pertzibitzeko.
Laura Flores
Arrupe Donostiako Arduraduna
*Testu originala Gazteleraz
Azaroaren 11ko eskola kirolako partidak
Larunbat honetako partiduen ordutegia hemen duzue! Animo eta gozatu!
Ikasleak errefuxiatuen azalean
DBH2ko ikasleek ALBOANek antolatutako “Mugetatik haratago” proiektuan parte-hartu dute urri amaieran. Proiektu honen baitan errefuxiatuen errealitatera hurbildu dira ikasleak, teoriatik salto bat egin eta lehen pertsonan errefuxiatuen egoeran jarriaz.
Kanpoan lo eginez eta etxetik urrun, hainbeste pertsonek egunero bizitzen duten egoera gogor honen lekuko izan dira ikasleak bi eguneko ekimen honetan, eta honek hausnarketarako bidea ireki du. Mugetatik haratago proiektuari amaiera emateko, ikasleek erlijioko klaseetan gaia lantzen ari dira esperientzia honetan bizitako emozioetan oinarrituta.
Ikastetxearen izenean eskerrak eman nahi dizkiogu ALBOANeko lantaldeari horrelako proiektuetan parte-hartzeko aukera emateagatik. Ikasketa esanguratsua eskaintzeko bidean, horrelako proiektuek ikastetxea irekitzen laguntzen digute, ikasleak errealitatearekin kontaktuan jarri eta bizipen desberdinak eskainiz euren ikasketa prozesua aberastuz.
Ikasleak euren eta inguruko errealitatearekiko kontziente eginez eta egoera larrietan dauden pertsonen lekuan jarriaz lortuko dugu gure hezkuntza proiektuaren bitartez bete nahi dugun ametsa: hezkuntzaren bitartez ikasleak mundu hobeago bat eraikitzeko bidean jartzea.
