Azaroak 19ko partiduen ordutegiak
Larunbatean jokatu behar duzuenontzat, hemen dituzue ordutegiak.
Animo eta ondo pasa, hori baita garrantzitsuena.
Eskola Kontseiluaren berritze prozesuan gaude
Ikastetxeko Eskola Kontseilua berritzen ari gara eta bozketa eguna azaroaren 23an, 15:30etatik 17:30etara, izango da. Hurrengo egunean, azaroaren 24ean emaitzak jakitera emango dira eta, erreklamazio epearen ondoren, behin-betiko zerrenda aurkeztuko da hilaren amaieran, azaroak 30ean.
Eskola Kontseiluaren eratzea abenduaren 14an izango da.
Jarraian eskuragarri dituzue Eskola Kontseiluko Hauteskundeen arauak eta egutegia.
Martxan dira danborradako entseguak
Gaur hasiko dira aurtengo ikasturteko danborrada entseguak ikastetxean. Guztira 10 entsegu egun izango dira, gaurtik urtarrilak 17ra bitarte.
Jarrain entseguen egutegia:
- Azaroak 10 (osteguna) 17:00 – 18:25 LH 6
- Azaroak 11 (ostirala) 17:00 – 18:25 LH 6
- Azaroak 17 (osteguna) 17:00 – 18:25 LH 5
- Azaroak 18 (ostirala) 17:00 – 18:25 LH 6
- Arazoak 24 (osteguna) 17:00 – 18:25 LH 5 – LH 6
- Arazoak 25 (ostirala) 17:00 – 18:25 LH 5 – LH 6
- Abenduak 13 (asteartea) 17:00 – 18:25 LH 5 – LH 6
- Urtarrilak 12 (osteguna) 17:00 – 18:25 LH 5 – LH 6
- Urtarrilak 14 (larunbata) 16:00 – 17:30 DENOK
- Urtarrilak 17 (asteartea) 17:00 – 18:25 LH 5 – LH 6
Donosti Cup-eko play off-en finalistak
Uztailak 3tik 9ra Donosti Cup futbol- txapelketa ospatu zen, aurten 25 urte ospatzen zituena.
Ikastetxearekin lotuta dauden bi taldek Play Off Ligan txapeldunorde izan ziren haien kategorietan. Alde batetik, San Inazio B, B10 kategorian.
Koparen jasotzearen bideoa: https://twitter.com/Juan_I_Manso/status/751780734306836483
Bestetik, SANSE-JKT, B15 kategorian. Azken hau C.D. Arrupe Chaminade-S.A.N.S.E K.E eta Josemi Kirol Taldea-ren artean sortutako bateratzearen ondorioz sortu zen. Josemi Kirol Taldearen helburua kirola eta solidaritatea batzea da eta, hortaz, jokalariak Elkartera hurbildu ziren haien parte-hartzea traza solidarioa izan zezan. Horregatik, Jesuitak Donosti eta SUMMAko jokalariek jokatutako minutuak salduko dira jasotako guztia Fondazione San Giovanni Battistari (Ragusa- Sicilia) emateko: nazioarteko babes- eskatzaileak eta errefuxiatuak diren pertsonak hartu, tutelatu eta integrazioan laguntzen die fundazio honek.
Zorionak Leyre! (Batxilergoko Saria)
Aurreko ekainak 14an, Euskadiko Batxilergoko Sari Berezien probak egin ziren eta gure Ikastetxeko zenbait ikaslek parte hartu zuten.
Ostiralean behin-betiko ikasle sarituen zerrenda ezagutu genuen eta bertan gure ikaslea den LEYRE VERAS PRECIADO dugu.
Leyrek, beste sarituak bezala, Sariaren egiaztagiria jasoko du eta Hezkuntza, Hizkuntza Politika eta Kultura Sailak antolatzen duen bidaia-programan parte hartu ahalko du, eta ingelesezko ikastaroak atzerrian egin ahalko ditu. Halaber, Batxilergoko Sari Nazionala jasotzeko hautagai izan daiteke,aurrez horretarako izena emanez gero.
Ikastetxetik, bai Leyre bai sari hau lortzeko lagundu duten ikastegiko hezitzaile eta familiako guztiak zoriondu nahi ditugu.
Giro aparta Ikasle Ohien lehen egunean
Aurreko apirilaren 23an, larunbata, Ikastetxeak ospakizuna zuen bere ikasle-ohiekin: lehenengo aldiz Ikasle Ohiaren Eguna egin zen.
Egun hau, urtero ospatuko dena, gure Ikastetxeko ikasle-ohi guztientzat topaketa-unea izatea espero da, bai gazte zein helduentzat.
Lehenengo edizioa larunbatean ospatu zen 120 pertsona inguru etorri zirelarik. Eguna Eukaristia batekin hasi zen, jesuitak diren Ángel Pérez eta Xabier Zabala ikasle-ohiek ospatuta, eta Areto Nagusian egindako Ekitaldi Nagusi batekin jarraitu zuen. Azken honetan, Ikastetxeko Zuzendaria den Amaia Arzamendik Ikasle-Ohien Elkarte berria aurkeztu zuen, baita behin-behineko Zuzendaritza-Batzarra ere. Josu Mendivil-ek, elkartearen egungo presidenteak, mintzaldi txikia eman zuen elkartearen helburu nagusiak modu labur eta atseginean laburtzeko. Ekitaldian bista atzera botatzeko eta Ikastetxeko eta haren ikasleen iraganeko irudiak gogorarazteko unea ere egon zen. Etorritakoek ikastetxeko instalakuntzetara, Ikasle Ohien bulegoa barne, egindako bisitan anekdota asko ekarri zituzten gogora.
Eguna lunch batekin amaitu zen eta bertan Ikastegiaren historian mugarri izango den une hau betikotzeko aukera egon zen.
Ikastetxeak eta Elkarteak biziki eskertu nahi ditu etorri ziren Ikasle-ohi guztiak. Eta denei, etorri zineten edo ez, hurrengo urtean elkar ikustea espero dugu!