DBHko 4. mailako zenbait ikasleek bideo harrigarriak helarazi dizkigute, non fisikako eta kimikako hainbat ariketa bikain azaltzen dituzten. Egun batez irakasle bihurtu dira! Eta, jakina, arlo horretan etorkizun handia dutela argi gertu da.
Gure ikasleen hezkuntza-prozesuan eguneroko lana funtsezkoa dela agerian uzten duen abibide ona.
Beraien aurkezpenen zati batzuk jaso ditugu ondorengo bideoan
Ez galdu!
Lehenago jakinarazi dizuegun bezala, 2021eko maiatzetik 2022ko uztailera arte, Jesusen Lagundiak Ignaziotar Urtea ospatzen du. San Ignazio konbertsioaren 500. urteurreneko mugarria da, eta, hori dela eta, hainbat jarduera egingo dira urte osoan.
Hain zuzen ere, Ignaziotar urtea inauguratzeko, Konpainiak dei egin die mundu osoko jesuitei, laikoei, gazteei, erlijiosoei eta, beste sinesmen batzuetatik, uste sendo horretan parte hartzen dutenei, Mendekoste igandean, maiatzaren 23an, egingo den otoitz globalean parte har dezaten.
Arturo Sosa Aita Jeneralak otoitzean parte hartuko du eta mundu osoko pertsonek euren testigantzak partekatuko dituzte. Era berean, Frantzisko Aita Santuaren mezua eta bedeinkapena ere jasoko dira, eta isilean otoitz egiteko denbora ere izango da.
Hitzordua 20:00etan izango da, eta gutxi gorabehera 35 minutuko iraupena izango du. Ondorengo estekaren bidez egongo da ikusgai: ignatius500.global/live.
Jesuitak Donostiatik ekitaldian parte hartzera eta #ignatius500 etiketarekin zuen otoitzak, argazkiak, bideoak eta mezuak sare sozialetan aurretik partekatzera animatzen zaituztegu.
Otoitzarako gonbidapen bideoa:
Pandemiaren ondorioz hilabete batzuetako geldialdiaren ondoren, Jesuitak Donostiak bere ekimen garrantzitsuenetako bat berreskuratu du: Batxilergoko boluntarioen proiektua.
Ikastetxean oso errotuta dagoen proiektua da, eta ikasleen artean harrera ona izan du beti; izan ere, urtero, batez beste, etapa horren % 70eko parte-hartzea izaten da. Ekimen horri esker, gainera, ezagutza handia lortzen da ikasleek oinarrizko gaitasunetan nola funtzionatzen duten jakiteko, hau da, pertsona guztiek beren errealizaziorako eta garapen pertsonalerako, herritartasun aktiborako, gizarteratzeko eta enplegurako beharrezkoak diren gaitasunetan. Era berean, ikasturtez ikasturte, gazte boluntarioen artean ikaskuntza bera errepikatzen da: gehiago da jasotzen dudana ematen dudana baino.
2021erako aurreikusitako programak nabarmen murriztu du eskaintza COVID-19aren ondorioz, baina indartsu itzuli da boluntzariotza proiektua eta iazko bi ekintza mantendu ditu (Alboan eta Hazi eta Ikasi), eta bi jarduera berriren aldeko apustua egin du: Aukerak Suspertzen eta Aisia eta Aisialdia etorkinen pastoralarekin.
Zehazki, Alboanen Batxilergoko 2. urteko 10-11 pertsonako 3 taldetan ari dira lanean, bi sentsibilizazio-kanpainatan: bata, gizarte- eta ingurumen-justiziari buruzkoa (talde bat), eta, bestea, feminismoari buruzkoa (2 talde).
Hazi eta Ikasi jardueran, parte hartzen duten ikasleak La Asunción ikastetxera joaten dira, eskola-laguntza aurrez aurre eskaintzera. Zehazki, bi ikasle joaten dira astelehenetan eta beste bi ostegunetan.
Berrikuntzen artean, Aukerak Suspertzen Agintzari enpresaren proiektu bat da, egoera ahulean dauden adingabeei eskola-laguntza eskaintzen diena. Kasu honetan, gure ikasleek eskola-laguntza eskaintzen dute online, astean ordubetez.
Azkenik, Aisialdi eta Aisialdi jardueraren helburua 5 eta 12 urte bitarteko etorkinen pastoraleko haurrentzako jarduerak eta jolasak prestatzea da. Kasu honetan, Batxilergoko 1. mailako bost ikasleko hiru taldek parte hartzen dute. Ikasleak ostiraletan elkartzen dira ikastetxean jarduera horiek diseinatzeko, eta egoerak ahalbidetzen duenean, adingabeekin hileko lehenengo eta laugarren larunbatetan egingo da jarduera.
Gure DBHko 4.B mailako teknologiako ikasleak sarituak izan ziren urtarrilaren 29an “Real Sociedad Challenge” erronkaren amaiera-ekitaldian egunerokotasunean zaleekin konektatzeko ideia onenaren kategoarian: ERREALETIK HARATAGO proposamenarekin.
Donostiako Sustapenak Real Sociedad Fundazioaren laguntzarekin antolatutako proiektua Berrikuntzaren VII. astearen (Donostia Week Inn) esparruan sortu zen, besteak beste, gazteen talentua sustatzeko, teknologia berrien ezagutza eta erabilpenaren bidez.
Ekimenean hainbat ikastetxetako 257 ikaslek parte hartu dute, 57 taldetan banatuta. Beraz, oso harro gaude gure ikasleek egindako lanaz eta aurkeztutako ekimenaren originaltasunarengatik: janari osasuntsua prestatzen ikasteko espazioa.
Zorionak Ander Erro, Alex Amunarriz eta Juan Gil! Lan bikaina! Eta, jakina, zorionak parte hartu duten gainerako ikasleei eta sarituei ere.
Bideo honetan, 29. minututik aurrera, gure ikasleak Juan Gilek saria nola jaso zuen ikus dezakezue, Jokin Aperribay Errealeko lehendakariaren eskutik.
DBHko 4. mailako teknologiako ikasleek hiru izendapen lortu dituzte “Real Sociedad Challenge” erronkan. Donostiako Sustapenak Real Sociedad Fundazioaren laguntzarekin antolatutako proiektua Berrikuntzaren VII. astearen (Donostia Week Inn) esparruan sortu zen, besteak beste, gazteen talentua sustatzeko, teknologia berrien ezagutza eta erabilpenaren bidez.
Ekimenean hainbat ikastetxetako 257 ikaslek parte hartu dute, 57 taldetan banatuta. Zehazki, talde txuri urdinak planteatutako erronka Reale Arenan elkarbizitzarako gune bat sortzea zen, 3D teknologiaren laguntzarekin, eta Jesuitak Donostiak hiru izendapen lortu ditu kategoria hauetan: partiduaren eguneko konexioa, eguneroko erabilerarako konexioa eta jatorrizko ideiarik onenaren erabileran.
Finala urtarrilaren 29an, ostiralean, izango da, 11:00etan, Reale Arenako palkoan, eta streaming bidez emango da.
Jesuitak Donostiak zorionak eman nahi dizkie parte-hartzaile guztiei eta, bereziki, gure ikasleei, egindako lan handiagatik.
Zorte on!
Jesuitak Donostian eskaintzen dugun heziketak ereduak, kristau eskola garen aldetik, badu zigilu propio bat: balioetan hezitzen dugu.
Baina guk balore horien definizioan sakondu dugu eta horrela iritsi gara gure 5C-ak definitzera. Azken helburua da gure ikasleek mundu hobeago bat eraikitzen agente aktibo izatea, inplikatzea. Zehazki, bost dira gure ikasleen perfila definitzen dituzten baloreak: kontzientzia, gaitasuna, konpromisoa, enpatia eta sormena.
Zergatik jakin nahi duzu? Ikusi hurrengo bideoa:
