Apirilak 30, 2020 | Berriak
Eusko Jaurlaritzak 2020-2021 ikasturterako, Haur Hezkuntzan, Lehen Hezkuntzan eta Derrigorrezko Bigarren Hezkuntzan mendeko ikastetxe publikoetan eta EAEko itunpeko ikastetxe pribatuetan ikasleak onartzeko jarraibideak onartzen dituela aditzera eman du, COVID-19aren ondorioz egondako etenaldiaren ondoren.
Ondorioz, hasiera batean zehaztutako eskabideak aurkezteko egutegi komuna eta onarpen-epeak eguneratu ditu:
a) Eskabideak eta egiaztagiriak entregatzea: urtarrilaren 27tik otsailaren 7ra.
b) Eskatzaileen zerrenda argitaratzea: otsailaren 25a.
c) Behin-behineko zerrenden argitalpena: martxoaren 17a.
d) Behin-behineko zerrenden erreklamazioak: maiatzaren 6ra arte.
e) Eskaeran atzera egitea: maiatzaren 6ra arte.
f) Behin betiko zerrenden argitalpena: maiatzaren 12a.
g) Lurralde-ordezkariek esleitutako plazen zerrendak argitaratzea: maiatzaren 15a.
h) Behin betiko zerrendei jarritako gora jotzeko errekurtsoak: ekainaren 12ra arte.
i) Ordezkariek esleitutako lanpostuei uko egitea: maiatzaren 19ra arte.
j) Datu estatistikoak grabatzea: maiatzaren 18tik 25era. Halaber, irailean, Hezkuntza Saileko Estatistika Unitateek jakinarazten dieten epean, matrikularen behin betiko datu estatistikoak baliozkotu beharko dituzte aplikazio informatiko horretan.
k) Itxarote zerrendaren indarraldia: irailaren 18ra arte.
Apirilak 27, 2020 | Berriak
Ondorengo lerroetan, Eusko Jauritzako Hezkuntza Sailak batxilergoko matrikulazioaren inguruan bidalitako informazioa jakinarazi nahi dizuegu.
COVID-19k eragindako osasunkrisiaren egoera kudeatzeko alarmaegoera deklaratzearen ondorioz 463/2020 martxoaren 14ko Errege Dekretuaren bidez eta haren ondoz ondoko luzapenen bidez, etenda geratu dira 2020ko otsailaren 25eko Aginduan ezarritako epeak.
Agindu horren bidez, 2020-2021 ikasturtean Euskal Autonomia Erkidegoko Hezkuntza Sailaren mendeko ikastetxe publiko eta itunpeko pribatuetan Batxilergoko ikasleak onartzeko eskabideak aurkezteko egutegi komuna ezartzen da; era berean, jarraibideak onartzen dira ikasleok onartzeko eta hezkuntza-maila horretan irakaskuntza ofizialak ematen dituzten ikastetxe guztietan matrikulatzeko.
Onarpen-eskabideak aurkezteko maiatzaren 4tik 15era bitarteko epea, agindu horretan ezarritakoa,aipatutako 463/2020 Errege Dekretuak eta haren luzapenek indarra galtzen dutenean zenbatuko da.
Onartutako azken luzapena maiatzaren 10ean indargabetuko denez, eskabideak aurkezteko epea maiatzaren 11tik 22ra bitartekoa izango da, luzapen berririk egiten ez bada. Hala ere, eskabideak online aurkeztu ahal izango dira maiatzaren 4tik aurrera.
Apirilak 24, 2020 | Berriak
Etxealdian gauden bitartean, eta hizkuntza ohiturak etxetik hasten direla abiapuntu izanik, Euskaralditik ekimen berri batean parte hartzera gonbidatu gaituzte, apirilaren 24ean hasi eta 7 egunez jarraian.
Nola? Egunez egun, Euskaraldiko webgune zein sare sozialetan argitaratzen joango diren proposamen bizi eta bitxietan parte hartuaz. Norberak bere erritmoan egin ahal izango ditu, eta nahi dituenak hautatu ere, ez da derrigorrezkoa guztiak egitea.
Euskaraldian ohitura den lez, sare sozialetan aktibo izatera animatzen gaituzte buruturiko proposamenak gizarte guztiarentzako ikusgai egon daitezen. Argitalpenak egiterakoan gogoratu etiketak eta hashtag-ak erabiltzen:
#EtxealditikEuskaraldira, @Euskaraldia.
Parte hartzen ari garen seinale, etxeko leku batean, eta, ahal bada, kalera ikusgai, ikur modura ‘puntu’ urdin bat jartzera gonbidatzen zaigu.
Animatu eta parte hartu! Hemen duzue ekimenaren aurkezpen bideoa eta hemen, egunetik egunera proposatzen dizkiguten ekintzak.
#EtxealditikEuskaraldira
Euskara gehiago, gehiagorekin eta gehiagotan.
Apirilak 20, 2020 | Berriak
Familia agurgarriak:
Gogorarazi nahi dizuegu alarma egoeran jarraitzen dugun bitartean eta guztion segurtasuna bermatzeko asmoz, ikastetxeko idazkaritzak bere zerbitzua telelanaren bitartez eskainiko duela. Hortaz, ikastetxearekin harremanetan jarri nahi izanez gero, 618 137 938 telefono zenbakira deitu dezakezue ondorengo ordutegian: 9:00-13:00/15:00-17:00.
Dena den, gogorarazi nahi dizuegu edozein zalantza izanez gero, komunikazioa zuzenean tutoreekin egiteko aukera duzuela eta horretarako betiko kanal guztiak irekita egongo dira, ikastetxeko zuen helbide elektronikoa barne (@donostiajesuitak.org).
Bitartean, datozen asteei begira gerta litezkeen egoeren inguruan lanean ari gara, baina Eusko Jaurlaritzako Hezkuntza Sailaren jarraibideen zain gaude. Komunikazio ofizial bat izan bezain laster, helaraziko dizuegu.
Edozein zalantza izanez gero, zuen esanetara gaude.
Agur bero bat,
Idazkaritza
Martxoak 25, 2020 | Berriak
Poza handiz EITBko albistegietan gure ikastetxearen inguruan egindako erreportaia erakutsi nahi dizuegu.
Badakigu COVID-19aren ondorioz egun bizi dugun egoera ez dela erraza, baina gure aldetik ahal dugun guztia egiten ari gara zuen heziketa etxean ez dadila eten eta lortzen ari gara.
Baina lan hori ez da gurea bakarrik. Ikasle zein familia guztien aldetik jasotzen ari garen laguntza ikaragarria da eta, horregatik, eskerrak eman nahi dizizuegu. Eskerrak eta zorionak egiten ari zareten lan izugarriarengatik.
Laster elkar ikusteko eta egoteko aukera izango dugu, baina bitartean, hemen duzue zuen/gure egunerokotasunaren adibidea. Espero dugu zuen gustokoa izatea.
Eskerrik asko eta animo!!
Abenduak 18, 2019 | Berriak
Jesuitak Donostiako bigarren Batxilergoko ikasleek, afari solidarioaren edizio berri bat ospatuko dute hurrengo astelehenean, abenduaren 23an, ikastetxeko instalazioetan.
Ekimenaren helburua, Gabonak gure inguru gertuan gizarte-bazterketa jasateko arriskuan dauden pertsonekin ospatzea da; hau da, kale gorrian bizi diren pertsonekin afari bat antolatuz eta ospatuz, eta denontzat onuragarriak diren ekintza xumeen bitartez mundua hobetzea posiblea dela onartuz.
Loiolaetxea eta Caritasekin elkarlanean egingo den ekimena, iluntzeko 21:00etan izango da ikastetxeko jangelan. Gazteek Gabonetako oporrak alde batera utziko dituzte egun batez, taldean lan egin eta beraien alderdi solidarioena erakusteko. Izan ere, afari solidarioa bizikidetza lantzeko aukera bat era bada eta baita mahaia, algarak eta ikaskuntza partekatzeko aukera ere, guztiak berdinak diren inguru batean.
2014. urtean martxan jarri zen ekimena
Batxilergoko lehenengo mailako ikasle batzuen ideia zoro eta alaitik, aurten 90 urte bete dituen Jesuitak Donostia ikastetxeko ekimenik ezagunenetako bat jaio zen 2014. urtean. Abiapuntua honakoa izan zen… Zergatik ez dugu kalean bizi diren pertsonentzako afari bat antolatzen beraiek ere Gabonak goza ditzaten?
Ideia sustatu zuten ikasleen irrika eta inplikazioari esker, lehenengo urtean afari solidarioaren arrakasta ikaragarria izan zen. Ikastetxeko maila guztiak mugiarazi zituzten, zuzendaritzarekin harremanetan jarri ziren jangela erabiltzeko baimena lortzeko eta erakunde ezberdinekin ere harremanetan jarri ziren proiektua bideragarri egiteko. Hortik aurrera urtero errepikatu den eta egun proiektu sendoa den ekimena da eta astelehenean bere 6. Edizoa burutuko da.
