Pasa den ostiralean egun berezia ospatu genuen. Goizean Santa Mariako Basilikara joan ginen eta, arratsaldean, graduazio ekitaldia osopatu genuen familiekin batera Deustuko Unibertsitatean. Eskerrik asko eta zorionak!
Ver esta publicación en Instagram
Ikasleek eta hezitzaileek bat egin zuten odola emateko ekimerarekin, eta deialdiak izan zuen arrakasataren ondorioz, ekintza bi egunez egingo zen. Ikasleak harrituta eta oso eskertuta agertu ziren jasotako erantzunarekin.
Pasa den ostegunean, goizeko 9:00etan Gipuzkoako Odol Emaileak lanean hasi ziren gure ikastetxean eta bi egunez hezitzaile eta ikasleak odola ematera gerturatu ziren kausarekin bat egiteko. Ekimen hau 2.º Batxilergoko ikasleen inplikazioari esker martxan jarri zen. Lehen aldia da Jesuitak Donostian Gipuzkoako Odol Emaileen elkartearekin kolaboratzen dugula, baina seguruenik ez da azkenekoa izango.
Biologiako irakaslearen ideia gisa sortu zen guztia. Proposamena luzatu zuen eta hainbat ikaslek egitasmoarekin inplikatzea erabaki zuten hau aurrera eraman ahal izateko. Proiektuaren helburua hezkuntza-komunitateko pertsonak odolo-ematearen kausan inplikatzea zen, ahalik eta odol-emaile gehien lortzea, alegia. Horretarako, ikasleek hainbat ekintza egin zituzten proiektuaren barruan: komunikazio kanpaina bat prestatu zuten eta sentsibilizazio-bideo bat egin zuten, ikasgeletan aurkezpenak egin zituzten parte-hartzea sustatzeko, eta inskripzio-formulario bat sortu zuten hezitzaileen artean zabaltzeko.
Guzti honekin 50 lagunen erantzuna jaso zuten eta, ondorioz, ekintza egun batekoa izatetik bi egunera pasa behar izan zuten. Bide honetan, ikasleek ekimena azaldu digute! Ikusi!
Ver esta publicación en Instagram
Mahi Mahi proiektuari esker, eguerdiko momentua esperientzia bikaina eta hezitzailea bihurtu da Jesuitak Donostian. Gipuzkoan Mahi Mahi proiektua ezarri duten 3 zentroetatik 1 gara. Gure ikastetxean, Lehen Hezkuntzako 3. ikasturtetik aurrera ezarri dugu. Proiektu honi esker, jangela zerbitzu izateatik espazio hezitzaile bat izatera pasa da. Bertan ikasleen autonomia sustatzen dugu eta beraiek dira protagonista.
Ikasketa pertsonalizatua eskaintzeko bidean, gaur badakigu autonomiaren garapena funtsezko elementua dela. Baina zer da pertsona autonomoa izatea? Nola ulertzen degu Jesuitak Donostian autonomiaren kontzeptua? Eta, batez ere, nola lantzen ari gara ikasleekin?
Argi dago, ez garela autonomo jaiotzen eta, urteak betetze hutsagatik, ez garela pertsona autonomoetan bilakatzen. Autonomia landu egin behar da modu pautatu, sistematizatu eta planifikatuan. Eta horretan dihardugu ikastetxean. Regina Aricetak, Haur Hezkuntzako eta Lehen Hezkuntzako proiektu arduradunak bideo honetan, labur labur, hainbat gako eman dizkigu!
2.Batxilergoko ikasleak erabaki garrantzitsuetan murgilduta daude ikastetxeko azken etapa honetan: eta, datorren urtean zer? Erabakian bidelagun izateko martxan jartzen ditugun egitasmoen barruan, urtero, Orientazio astea antolatzen dugu.
Aste honetan zehar, unibertsitateak eta lanbide heziketako eskaintza desberdinak ezagutzeko aukera izango dute ikasleek. Gurean izango dira, besteak beste, Deustuko Unibertsitatea, Euskal Herriko Unibertsitatea, Nafarroako Unibertsitatea, Mondragon Unibertsitatea, eta Hetel (Euskadiko Lanbide Heziketako ikastetxeen elkartea). Gainera gure ikasleak Biogipuzkoa ezagutzera joango dira.. Aurkezpen desberdinak antolatu dira eta ikasleek aukera izango dute gehien interesatzen zaien gaien inguruan informazioa eskuratzeko eta galderak egiteko.
Honekin batera, 3. ebaluaketan ikasle ohien bisita izango dute ikasleek. Euren egoera berdinean egon diren gazteekin hitz egitea aukera ezinhobea izaten da zalantzak, urduritasunak eta kezkak elkarbanatzeko, eta noski, lasaitzeko. Gainera, momentua aprobetxatzen dugu Ikasle Ohien Elkartea aurkezteko, Jesuitak Donostiako ikasle izan diren pertsona guztien elkargunea da Elkartea.
Orientazio astea, orientazio prozesuan zehar egiten diren beste hainbat ekintzen artean kokatzen da, besteak beste, tutoretza plana eta bertan egiten diren elkarrizketak edota Elkarbizitza saioak, azaroaren 15 eta 17an ospatu zirenak.
Etorkizuneko erabaki honek gure ikasleen bizitzan duen garrantziaz konsziente, ahalik eta baliabide gehien eskaintzen dizkiegu prozesu honetan hurbil egon eta laguntzeko.
Haur Hezkuntzako patioak berritu ditugu aurten. Jesuitak Donostian badakigu espazioek ikasleek ikasketa prozesuan eragin nabarmena dutela eta, ondorioz, duela hainbat urte gure espazioen eraldaketa prozesua martxan jarri genuen. Azken urratsa barrutik kanpora salto egitea izan da, eta lehen aldaketa, Haur Hezkuntzako patioetan egin dugu.
Ikastetxean abiatzen dugun eraldaketa oro hausnarketa eta diseinu lanketa sakon batekin hasten da. Kasu honetan, espazioak nolakoak izatea nahi genuen lankidetzan definitu genuen eta, estreinatu berri ditugun patioek, helburu zehatz batzuei erantzuten diete. Jarraian Haur Hezkuntzako patioen oinarri nagusiak azaltzen dizkizuegu.
Erabilera mugagabeak
Ikasleen irudimena eta sormena mugaezina bada, espazioen bitartez zergatik mugatu? Patio berrian sortu diren gune eta espazioek jolasteko askotariko moduak sustatzen dituzte, jolasteko modua zehaztu gabe. Gainera, patioek aniztasunari erantzuten diote, ikasle desberdinen beharrak aintzat hartuz; lasai egoteko txokoak bikain elkarbizi dira korrika ibili nahi duten ikasleekin.
Naturarekiko harremana
Landareak, egurra, hondarra… Ikasleak naturarekin harremanetan egotea nahi dugu, ondorioz, material eta elementu naturalen aldeko apustua egin dugu patio berrietan, elementu jasangarriak lehenetsiz, plastikoa eta burnia ahal den neurrian ekidinez.
Ikasleen trebeziak sustatu
Segurtasunari uko egin gabe eta ziurtagiri guztiak bermatuz, patioan ikasleen ausardia eta ekimena sustatuko dituzten erronkak topatu daitezke, besteak beste, alturak, eskalada… Patioak motrizitatearen lanketarekin lotzen badira ere, askoz aberatsagoa da bertan landu daitezkeen trebezien zerrenda.
Kurrikulumarekin lotura
Ikasleek gelan lantzen dituzten eduki eta ezagutzak txertatzeaz gain, landareak edo xomorroak adibidez (xomorroen hotelak instalatu nahi dira), gelan egiten diren hainbat ekintza kanpora ateratzea dugu helburu. Ikerketek diote aire librean egoteak inpaktu positiboak dituela garunean, beraz, etekina atera nahi diogu gelak eta patioa hain gertu egoteari eta ditugun gelako elementu guztiek eskaintzen diguten malgutasunari.
Zaintza eta ardura partekatua
Guztiona dena guztion artean zaintzen ikastea ezinbestekoa da eta patio berriak aitzakia bikaina bihurtu dira ikasleak gauzekiko errespetuan eta zaintzan trebatzeko. Hondarra, hostoak, landareak… Jolasean ibili ondoren, dena bere lekuan uztea ezinbestekoa da itzultzen direnean gozatzen jarraitu ahal izateko. Ikasleek bikain barneratu dute haien ardura eta modu eredugarrian ari dira patioa erabiltzen!
Gozatu eta zaindu ditzagun, beraz, Haur Hezkuntzako patio berriak. Gure ikasleek nola erabiltzen dituzten ikustea baino konrimazio handiagorik ez dago ematen ditugun urratsak norabide egokian doazela ikusteko.
