Oraingo honetan, familiak izan dira protagonistak. Mila esker zuen ikuspegi eta sentsazioak elkarbanatzeagatik, konfiantzagatik eta zuen seme-alaben hezkuntza prozesuan izan ditzakegun bidelagun hoberenak izateagatik.
Zure seme-alaben eskola aukeratzeko unea une garrantzitsua da… Gure proiektua ezagutu nahi duzu?
Eraldaketan jarraitzen dugu, gure eredu pedagogiko propioa eraikitzen, eta zurekin partekatu nahi dugu.
Zatoz gure jardunaldi irekietara, 2 eta 18 urte bitarteko gure ikaskuntza-ereduari buruz gehiago jakiteko, gure espazioak bisitatzeko eta zure zalantza guztiak argitzeko.
Ate irekien lehen eguna azaroaren 23a izango da, asteazkena, eta bigarrena datorren urtean, urtarrilaren 11n. Biak 17:00etan izango dira, Lehen Hezkuntzako Da Vinci aretoan.
Zure zain gaude!
Gaur, ekainak 20, Errefuxiatuen nazioarteko eguna ospatzen da. Honen harira, gure 1º batxilergoko ikasleek orain dela aste batzuk klaseko Change proiektuan egindako lana nabarmendu nahi dugu.
Batxilergoan lantzen den Change proiektuak, kultur aniztasuna aztertzen du, horren kausetan sakonduz eta gizarte bidezkoago, bihozberago eta interkulturalagoa eraikitzeko ekimenak proposatuz. Aurten, hizkuntza, filosofia eta erlijioa ikasgaien arteko lankidetza proiektua izan da, eta errefuxatuen eta etorkinen errealitatea landu da.
Batxilergoko Ikasleek, ALBOAN Fundazioa eta SJMrekin batera, errealitate hau aztertu eta honen inguruko ausnarketa landu zuten gutun baten bitartez. Bertan, familia etorkinek etxebizitza lortzeko dituzten zailtasunak agerian utzi nahi izan zituzten, maizterrak aukeratzeko orduan pertsonek dituzten portaera eta aurreiritziak kontuan hartuta eta bere herrialdea utzi behar izan duten pertsonen azalean jartzeko helburuarekin.
Hemen, gure ikasle baten gutuna eredu gisa:
Guraso agurgarriak,
Maria naiz, gutun hau idazten dizuet pisuaren alokairua dela eta. Jakin badakit, bi aukera dituzuela, Donostiar familia bat eta Siriar familia bestea. Uste dut familia aukeratzeko orduan nik ere zerbait aporta dezakedala. Hori dela eta, gutun hau zuei idaztea erabaki dut. Dakidanez, bi familiak egoera desberdinekoak dira. Siriar familiak beste herrialde batean du bere jatorria, hori dela eta, zailagoa suertatuko zaie Donostian etxea aurkitzea. Beraien bizitza berreraikitzen ari dira, Donostian zerotik hasten ari dira.
Etxea egokitzeari dagokionez, bi familiekin objektiboak izan behar zarete. Jakingo duzuenez, pertsonak aukeratzeko orduan gizakiak subjektiboak gara eta aurreiritziak ditugu.
Dena den, askotan itxura ez dator bat pertsonaren izaerarekin. Siriar familia ondo ezagutzen saiatzeko eskatuko nizueke, beraien historia eta lehen zuten bizitza ez dakigu eta dakizuenez herrialde horretan egoera latza bizitzen ari dira. Nire ustez, iritsi zaie ordua babesa lortzeko eta leku batean gustora egoteko. Are geahiago, Siriar familiak ez du hemen bere gainontzeko familia, ezta lagunak ere. Bakarrik daude eta momentu hauetan laguntza eskeintzea, ezinbestekoa dela iruditzen zait. Familia batek bere jatorrizko herrialdetik ihes egiten badu, han jazarpenak jasotzen ari direnaren adierazgarri izan daiteke. Gainera, beste pertsona guztiak bezala, herrialde honetan babesa eta bizitzeko eskubide berdinak dituzte.
Ukaezina da bi familiek aukera berdinak izan behar dituztela. Dena den, Siriar familiari Donostian aukera gutxiago eskeintzen dizkiotela esango nuke, gure gizartean aurreiritzi ugari daudelako eta arrazista delako. Hortaz, Siriako familiak zailago izango du beste bizileku bat aurkitzea Donostiako familiarekin alderatuz. Beraiek Donostiara aukera berrien bila etorri dira, beraien bizitza berregitera etorri dira, egoera horiek oso zailak dira eta asko eskertuko lukete laguntza eta bizilekua eskeintzen dizkieten familia bat aurkitzea. Ez dut uste bidezkoa denik beste leku batean jaio izateagatik (kontuan hartuz pertsonok ezin dugula aukeratu non jaiotzen garen), larru kolore desberdina izateagatik, erlijio desberdina izateagatik, kultura desberdina izateagatik edota hizkera desberdina izateagatik pertsonak zuzenean baztertzea, ezaugarri horiek ez dituztelako definitzen. Pertsonak anitzak, desberdinak eta errepikaezinak gara.
Horretaz gain, familia honen historia eta beraien bizitza ezagutzeak gurea aberastu dezake, gauza berriak ezagutuko genituzke, errealitate berriak. Gure errealitatea oso ona da, beste herrialde batzuekin alderatura. Gure errealitatea errazagoa dela uste dut, gure bizitzan gauzak errazagoak direlako. Familia honi lagundu diezaiokegu gure errealitatea bizitzen, guk ditugun baliabideak izaten eta Donostia ezagutzen. Haien gidari izan gaitezke, hiria erakusten eta gure kulturaren ohiturak erakusten. Nire ustez, asko eskertuko lukete. Beraiei etxea emateaz gain, lagungarriak izaten saiatzea, eta pisuan ez ezik, Donostian ere eroso sentitzen laguntzea.
Espero dut erabakia hartzeko orduan esandakoa eta aipatutakoa kontuan hartzea, eta Siriar familiari aukera paregabe hau ematea.
Eskerrik asko, Ama eta Aita.
DBH2ko ikasleak, Ukranian bizitzen ari diren egoera lantzen ari dira ikasgai desberdinetan. Gai soziopolitiko gisa lantzeaz aparte, alderdi emozionala ere landu dute. Irakasleak DBH2ko ikasle gisa, zer egin zezaketen galdetu zienean, taldetxo bat bere kabuz mugitzen hasi zen. Behin lanean hasi zirenean, Ukraniako gerraz aparte, munduan hain ezagunak ez diren beste hainbat gatazka daudela konturatu ziren. Guda guzti hauen kontra oihu egiteko bideo bat eta kartel bat sortu zuten. Azken hau, ikastetxeko eraikin nagusian zintzilikatu zuten. ‘Gerrarik ez’ dio, ez Ukranian, ez Sirian, Yemenen edota Palestinan, besteak beste.
Behin bideoa eta kartela sortu zituztenean, azken hau eraikin nagusian zintzilikatzeko baimena eskatu zuten. Horretarako, zuzendaritzari zuzendutako testu edo eskutitz bat prestatu zuten eta zuzendaria den Jon Arrutirekin bildu ziren hontaz hitz egiteko.
Hementxe partekatzen dugu ikasle hauek prestatutako idatzia eta bideoa, benetan polita delako erakutsi duten enpatia eta mundua eraldatzeko grina.
Zuzendaritza talde agurgarria:
Bigarren DBHko ikasle batzuk gara. Lanean aritu garen proiektu bat aurkezteko eta azaltzeko idazten dizuegu.
Ideia hau, gure pastoralistak galdera bat proposatu zigun egun batean hasi zen: ea zer uste genuen egin genezakeela guk, DBH 2. mailako ikasleak izanik. Errekreo orduetan gelan geratzeko aukera eman ziguten, bertan gerrari buruz zer pentsatzen genuenari buruz eta zer uste genuen egin genezakeenari buruz hitz egiteko.
Bururatu zitzaiguna bideo bat grabatzea eskolako Instagramean argitaratzeko izan zen, bideo horretan gerraren aurkako mezu bat bidaltzeko eta sufritzen ari diren pertsonei indarrak bidaltzeko.
Bideoan ikus daitekeenez, ez dugu Ukraniako gerraren aurka soilik hitz egiten. Honen arrazoia munduan gerra asko daudela Ukranakiakoaz bestalde izan zen. Egia da Ukraniako gerrak ikusgarriago egin du gaur egun ere gerrak egoten jarraitzen dutela, baina sufritzen duten bakarrak ez dira Ukraniarrek, beste herrialde askotako pertsonek ere.
Hori guztia kontuan hartuz, bideoaz bestalde fisikoki beste gauzaren bat egiteko ideia izan genuen, badagoelako sare sozialik ez dituen jendea. Bururatu zitzaiguna kartel handi batzuk “Gerrarik ez” mezuarekin egitea izan zen eta horiek eskolako balkoi ikusgarri batean zintzilikatzea izan zen.
Mezu honen bidez, oraintxe bertan aipatutakoa egiteko baimena eskatu nahi dizuegu, hau da, kartelak eskolako balkoian zintzilikatzeko baimena.
Mezu honetan aipatutako zerbaiti buruz galderarik baldin badituzue ez izan zalantzarik gurekin harremanetan jartzeko.
Zuen erantzunaren zain, agur bero bat,
Esteka honetan duzue ikusgai ere sortu zuten bideoa. Eskerrik asko egoera latz hau bizitzen ari direnentzako mezu polit hauek sortzeagatik. GERRARIK EZ!
Argazkia: Se hace camino al andar
Hiru tenpluen ibilbidea (Loiola, Antigua eta Arantzazu) San Inaziok Manresara egin zuen erromesaldian egin zuen bidearen zati da.
Inaziotar Bideak bi etapatan banatzen ditu bisita hauek: Azpeititik Zumarragara, 18 km-koa, eta Zumarragatik Arantzazura, 21 km-koa.
Baina bada mendi-ibilaldi bat, GR-120 izenekoa, ibilbide hau hiru etapatan banatzen duena: Azpeititik Zumarragara, 15 km-koa, Zumarragatik Brinkolara, 16 km-koa, eta Brinkolatik Arantzazura, 11 km-koa*
Donostia Jesuitak Ikasle Ohien Elkartetik GR-120 ibilbidea egitea proposatzen digute, hileko larunbat batean, martxoan hasita eta ekainean amaituz, Zumaiatik Azpeitira 20 kilometroko ibilaldi eder batekin hasita.
Ibilbide horiek oinez edo mendiko bizikletaz egitera zenbat pertsona animatuko zinatekeen jakiteko, mesedez, formulario labur bat erantzutea eskatzen digute, hemen klik eginez.
Animatu zaitez!
* “Se hace camino al andar” blogetik lortutako informazioa
360º-ko mapa honekin Donostiako Jesuitak ikastetxean bisita birtual bat egin dezakezu. Gure ikastetxeako gelak eta espazioetan zehar ibili.
Gure instalazioak ezagutu ahal izango dituzu. 2 urteko geletatik batxilergoko klaseetara sartu ez ezik, eremu komunak, jangelak eta kanpoaldea bisitatzeko aukera ere izangu duzu. Ikastolako txoko guztiak ia “in situ” ezagutzeko ibilaldia.
Eremu bakoitzean espazioaren deskribapen labur bat, eredu pedagogikoari eta etapa bakoitzean egiten diren jarduerei buruzko informazioa eta ikastetxean egiten den hezkuntza prozesua hezitzaileen hitzetan kontatzen duten azalpen bideoak aurkituko dituzu.
