Martxoak 13, 2017 | Berriak
Asteburuko Inaziotar ibilbideekin eta familien Xabieraldiarekin batera, hasiera eman diogu jada 2016-2017 ikasturteko Inaziotar asteari. Gozatu astea!
Programa berezia:
Haur Hezkuntza:
Jolasean, ikastetxeko haurrak San Ignazioren bizitzan murgilduko dira. Antzerkia, abestiak, ipuinak, marrazkiak… korridorea ere atonduko dute! Irrikan gaude artelan hau ikusteko!
Lehen Hezkuntza:
Martxoaren 13tik 15era, ikasleak Ignazio de Loiola ezagutzeko proiektuan lanean arituko dira eta ekimen desberdinak gauzatuko dituzte ikasgelan. 3 egunotan, gainera, sorpresa bat prestatuko dute. Adi martxoaren 16ra!
Derrigorrezko Bigarren Hezkuntza:
Ignaziotar astearen baitan, DBHko ikasleek ekimen bereziak izango dituzte, besteak beste, Gatazkarik Gabeko Teknologiaren kanpainaren inguruko hitzaldia Areto Nagusian.
Batxilergoa:
Ignaziotar asteko programa berezia dela eta, Errefuxiatuen aldeko harrera kanpainaren inguruko hitzaldia antolatu da martxoaren 13an.
Martxoak 16 / Ikastetxeko jaien hasiera!
Martxoak 19 / APYMAko Krossa
JKT – Josemi Kirol Taldearen laguntzari esker bildutako dirua Alboan GKE eta Ellacuria Fundazioen Hospitalitate – Proiektura bidaliko da.
Programa
> 10:00 HH (itzuli erdia futbol zelaiari)
> 10:15 LH1-2 (itzuli 1 futbol zelaiari)
> 10:30 LH3-4 (itzuli bat eta erdi futbol zelaiari)
> 10:45 LH 5-6 (2 itzuli futbol zelaiari)
> 11:00 – 12:00 Zumba saioa denontzat (gurasoak…)
> 12:00 irteera DBH + batx. + Senior (DBH 1-2ko ikasleek 2 itzuli ibilbideari, gainontzeko parte-hartzaileek 3 itzuli)
> 13:00 Sariak
> 13:30 herri-bazkaria
Informazio gehiago
Asteburuko Inaziotar Ibilbideen argazkiak
Martxoak 1, 2017 | Berriak
Change.org plataforman eta hainbat sare sozialetan egindako argitalpenei eta hezitzaile talderi helarazi zaizkion informazioei erantzuteko asmoz, argitu nahi dugu:
- Plataformaren sustatzaileak ez dira argitalpena egin aurretik ikastetxearekin harremanetan jarri eskola-jazarpen kasu baten inguruan jakinarazpenik egiteko. Hortaz, ondorengo informazioarekin zabaldu diren adierazpenak gezurtatu nahi ditugu: “varias de las familias que sí lo sufren, han intentado en reiteradas ocasiones utilizar los cauces existentes”.
- Ikastetxeko zuzendaritza taldea eta APYMA maiztasun handiarekin elkartzen dira eta biei dagozkien intereseko gaien inguruko elkarrizketa zuzena da. Gai hauen baitan, besteak beste, ikastetxeko bizikidetza eta bertatik ondorioztatzen diren gatazkak kokatzen dira, eskola-bullying-a barne.
- Atzo, otsailaren 28an, APYMAren eta ikastetxearen artean gauzatutako bileran, beste batzuetan bezala, bullying kasuen prebentzio eta aktuaziorako garatu diren proposamenen inguruan hitz egin zen. Hitzordu hau urtarrilaren amaieratik aurreikusita eta planifikatuta zegoen. Ondorioz, bilera hau Change.org plataforman egindako eskaerari erantzuteko asmoz gauzatu direla dioten informazioak gezurtatu nahi ditugu.
Ikastetxeak tradizio luzea du baloreen eta bizikidetzarekin lotutako arlo eta ikuspegi desberdinen trataeran, besteak beste, disziplina, tematiko eta metodologikoetan. Gauzatzen ditugun ekintza zehatzetan sakondu gabe, ondorengo aspektuak azpimarratu nahi ditugu:
- APYMA eta ikastetxearen arteko elkarlanak ekimen ugarien martxan jartzea ahalbidetu du. Gainera, APYMA komunikazio kanal ireki eta zuzena da ekarpenak, proiektu berriak eta hobekuntzak proposatu nahi dituzten familia guztientzat. Orain arte bien arteko elkarlana eta APYMAren inplikazioa ezinbestekoa izan dela uste dugu eta bide honetan hobetzen jarraitzeko asmoa dugu.
- Bestetik, ikastetxeko langileen etengabeko hobekuntzarekiko dugun konpromisoa dela eta, azken urteotan adimen emozionalaren inguruan formazio bat egiten ari gara. Formazio honek ikastetxeko bizikidetza klima hobetzea du xede. Etengabeko formakuntzak ildo nagusietako bat izaten jarraituko du gure 2017-2020 plan estrategikoan.
Egoera guzti honek, sare sozialen eta online plataformen erabilera kritiko eta arduratsua egitearen garrantzia berresten du, errealitatearekin bat ez datozten informazioak eta doako iritziak saihesteko. Guk modu aktiboak egiten dugu lan gure ikasleen gaitasun digitala hobetzeko asmoz eta helduek egiten dugun tresna hauen erabilerak gure semen-alaben ikasketan eragiten duela uste dugu.
Gure aldetik, horrelako edo beste gai batzuen inguruan gurekin zuzenean harremanetan jarri nahi duten pertsonak arretaz hartzeko dugun prestasuna nabarmendu nahi dugu. Egiazkoa ez den informazioa saihesteko modu bakarra dela uste dugu.
Zuzendaritza
Donostian, 2017ko martxoaren 1ean
Otsailak 21, 2017 | Berriak
2. Batxilergoko hainbat ikaslek DBH 1.eko gelak bisitatu zituzten atzo bullying-aren inguruan hitz egiteko. Ekimen hau Batxilergoko ikasleek Thinking Based Learning metodologia erabiliz gauzatu duten eskola-jazarpenaren inguruko proiektuaren baitan kokatzen da.
DBH 1eko Felix eta Albaren iritziz, gai honen inguruan ikastetxeko zaharrenekin hitz egitea aukera polita da, enpatia areagotzen delako. Ane Alvarez, Maria Arrese eta Mikel Cerrajería ikasleek bat egin dute iritzi honekin: “ikasle zaharrengandik sentitzen duten miresmenak mezuaren eraginkortasuna bermatu dezake; kasu gehiago egiten dute.”
Erronka argia zen: 12 urteko ikasleek horrelako egoerak identifikatzeko duten gaitasuna aztertzea. Horregatik, hitzaldiari hasiera emateko, 3 hizlariek eraso eta umiliazio egoera bat antzeztu zuten. Antzerkian, beraien ikaskidea iraindu zuten proiektorea pizten ez zekielako.
DBH 1eko ikasleak segituan jabetu ziren egoeraz. Izan ere, bullying-aren inguruan hitz egitea kostatzen den arren, horrelako egoerak ez dira haurrentzako oharkabean gertatzen. Horrela, eraso mota hauen aurrean zer egin daitekeen aztertzeko erabili zen saioaren bigarren zatia.
Eta nola jokatu behar da? Galdera honen erantzuna ahobatezkoa izan zen: lagunduz. Ikastetxeari egoeraren berri ematea eta biktima izaten ari den pertsonari laguntzea izan ziren ikasleek azpimarratu zituzten konponbide nagusiak. Aurkezpenari amaiera emateko, modu indibidualean gaiaren inguruan hausnartu zuten ikasleek.
Batxilergoko ikasleek hausnarketa hauek bildu zituzten ondoren irakurri eta aztertu ahal izateko.
Otsailak 16, 2017 | Berriak
Hemen dituzue datorren larunbatean jokatuko diren partiduen ordutegiak. Kirolaz gozatu!
Otsailak 8, 2017 | Berriak
Ikastetxeko 50 hezitzaile TBL (Thinking Based Learning) formakuntzan murgildurik daude jada. Orain 5 hezitzailek hasiko dute metodologia honetan prestatzaile edo Coach izateko prozesua.
Thinking Based Learning metodologian trebatzeko prozesua iaz hasi genuen Jesuitak Donostian. 25 hezitzailek dagoeneko prozesua amaitu dute eta jada 25 hezitzailez osatutako 2. taldeak ekin dio formakuntzari.
Orain ikastetxean apustu berri bat egin dugu, izan ere, otsailaren azken astean, ikastetxeko 5 hezitzailek hasiko dute Thinking Based Learning metodologian Coach izateko trebakuntza. Urrats berri honen helburua, metodologia ikastetxe osoan ezartzeko bideari jarraitzea da, pixkanaka- pixkana hezitzaile talde osoa tresna berri honetan trebatuz, hau da, eraldatzeko eraldatuz.
Baina, zer da Thinking Based Learning metodologia? Regina Aricetak, ikastetxeko proiektu arduradunak, bideo honetan azaltzen ditu TBL-aren nondik norakoak.
Otsailak 2, 2017 | Berriak
Lehen Hezkuntzako 6. mailako bi talde sailkatu dira saskibaloiko Gipuzkoako Txapelketan parte-hartzeko! Datak zehaztu gabe dauden arren, txapelketa maiatzan jokatuko dute ikasleek. Animo eta zorionak!!!
