Azaroak 14, 2017 | Berriak
24 ordu baino ez ziren izan, baina probetxu handikoak MAGIS topaketan bildutako bataz besteko 100 gazteentzat.
Baina, zer da topaketa hau? Duela bi urtera arte Arrupeko topaketa zen honek aforoa handitu du igaziotar gazte eta helduak bertan sartuz. 18 eta 30 urte bitarteko gazteak biltzen ditu topaketak, plataforma desberdinen bitartez boluntario direnak eta ignaziotar espiritualitatearen arabera bizi direnak, alegia.
Topaketa azaroaren 3an, ostirala, hasi zen, gaueko 20:00etan. Aurtengoan gure ikastetxeari zegokion anfitrioi izatea, beraz, photocall, berrelkarketa eta motxilak kokatu ondoren, lehen ekimena iritsi zen: komunitate arteko azoka. Beran Euskadi eta Nafarroako gazte talde jesuitak ugari ezagutu genituen: Tuterako Montaña Quetzal taldea, Iruñeako Arrupe, Iruñeako Unibertsitateko Komunikatea, Scouts V Tropa Pamplona, Arrupe Bilbao, MAGIS Bilbao, Indautxuko Scout-ak, Cofradía Santa Eucaristía Indautxu, CVX Bilbao, Fundación Ellacuría, ALBOAN, Arrupe Durango eta Arrupe Donosti. Arlo honetan bakarrik ez gaudela jabetzeko beste une bat izan zen azoka; elkarrekin gehiago garela kontziente izateko.
Larunbateko jornada esker onaren inguruan gauzatu zen, aurtengo indar lerroen leloa oinarri. Goiz osoan zehar begirada atzera bota genuen, gure historia gogoratu eta gure egunerokoari begiratuz: eskerrak emateko momentu onak, krisiak, erabakiak, pertsonak… Honez gain esker onaren artista izateko ere aukera izan genuen, material desberdinen bitartez egindako hausnarketa irudikatzeko, alegia. Honekin batera, beste komunitateekin lana partekatzeko aukera izan genuen.
Arratsaldean ignaziotar MAGIS-a pixka bat gehiago ezagutu ostean, Esti, Iñigo eta Miren-en testigantzak entzun genituen, euren egunerokotasunean esker ona eta Magis-a nola bizitzen duten azaldu ziguten. Beraiekin bizitakoaren ondoren eta topaketari amaiera emateko Eukaristia ospatu genuen. Giroan bizitako gauza on guztiengatik esker ona sentitzen zen.
24 ordu baino ez ziren izan, baina nahikoa uharte independenteak ez garen guren bizitzetan esker ona sentitzeko eta pertzibitzeko.
Laura Flores
Arrupe Donostiako Arduraduna
*Testu originala Gazteleraz
Urriak 19, 2017 | Berriak
Larunbat honetan, urriaren 21a, eskola kirolan parte-hartzen duten ikasleek aurtengo lehen partidak jokatuko dituzte. Jarraian talde bakoitzaren ordutegia ikus dezakezue. Animo eta gozatu!
Urriak 6, 2017 | Berriak
Pasa den asteburuan Guetadar hausnarketen eta ospakizunen topalekua bilakatu zen Arrupe Donostia taldearentzat. Begiraleak, pastoralistak, etorkizunean komunitateko kide izango direnak eta gaur egun Arrupe Sendoan dauden Batxilergoko bigarren mailako ikasleak, komunitatea osatu eta 2017-2018 ikasturteari ilusioz begiratzeko asmoz elkartu ziren.
Ostiraletik igandera, jardunaldia oso sendoa izan zen: taldeko egoeraren inguruko hausnarketa dinamikak, aurtengo indarguneen eskertzeak, Ignaziotar komunitateek dituzten marko berrien inguruko analisiak, esperientzia berriak bizitzetik datozen kideen testigantzak entzutea… Eskerrik asko Laura eta Miren.
Guzti hori Arrupek bere 4 etapetan dituen helburuak zehazteko eta urtean zehar ikasleekin burutuko diren ekintza ezberdinak doitzeko helburuarekin:
- Arrupe Haziak: Lehen Hezkuntza 4 eta 5.mailako ikasleak
- Arrupe Sustraiak: Lehen Hezkuntza 6.mailako ikasleak eta DBH 1 eta 2.mailakoak
- Arrupe Enborra: DBH 3 eta 4.mailako ikasleak
- Arrupe Sendoa: Batxilergoko 1 eta 2.mailako ikasleak.
Urtean zehar ikasleekin biziko diren esperientziak gogora ekarriaz, hausnarketa eta ilusio momentu batean bilakatzen da urtero Arrupe Donostiako topaketa hau. Horregatik, ez da kasualitatea topaketa honek duen izenburua: Ametsen asteburua.
Uztailak 6, 2017 | Berriak
Uztailaren 12an Amaia Arzamendik, Jesuitak Donostiako zuzendariak, ikastetxeak eraldatzeko bidean lidergoak duen garrantziaz hitz egingo du ikastetxean bizitako esperientzian oinarrituta.kastetxe Jesuiten berrikuntza gai nagusitako bat izango da Educsi-ren 33. Jardunaldietan.
Uztailaren 11, 12 eta 13an Educsiren 33. Jardunaldiak ospatuko dira Bilboko Deustuko Unibertsitatean. Elkargune honetan Espainia eta Portugaleko Jesusen Lagundiko 73 unibertsitate aurreko eta Lanbide Heziketako hezkuntza erakundek hartuko dute parte. Topaketak 3 helburu nagusi izango ditu.
• Ikastetxeen arteko sarea sustatzea.
• Lan egiteko eremuei eta ezagutza partekatzeko espazioei bidea ematea.
• Berrikuntza eta misioaren inguruan hausnartzea.
Jardunaldiari hasiera emateko Antonio España, sj, Aita probintzialak agurra egingo du. Lagundiaren hezkuntza komunitatera zuzentzen den lehenengo aldia izango da uztailaren 8an Aita Probintzial gisa karguaz jabetu ondoren.
Magdalenok, Zaragozako El Salvador Ikastetxeko zuzendariak, izango du Educsi Jardunaldietan landuko den lehenengo gaia aurkezteko ardura, astearte goizean, uztailaren 11an. Magdalenok ikastetxe jesuitek duten hezkuntza misioaren testuinguruan berrikuntzak izan behar duen lekua kokatzeko marko proposamena luzatuko du. Egun horretan, arratsaldez, berrikuntza honen baitan irakasleen rola aldatzeko gakoak azalduko dituzte Huelvako SAFA ikastetxeko zuzendaria den Eduardo Vizcaínok eta Colegio Claver de Raimat-eko DBH-ko 2. Zikloko zuzendariak, Minerva Pocelek.
Bigarren egunean, uztailaren 12an hain zuzen ere, saioa Amaia Arzamendik, Jesuitak Donostiako zuzendariak, eta Iván Mirónek, Vigoko Apóstol Ikastetxeko zuzendariak eskainiko dute. Tarte honetan Jesusen Lagundiko Ikastetxeak eraldatzeko lidergoaren inguruan arituko dira. Arratsaldean kultur-ekintzak egiteko eta hiria bisitatzeko denbora izango dute jardunaldira bertaratu direnek, besteak beste, Guggenheim edota Arte Ederretako museoak, Getxoko Zubi Esekia, Bilboko parte zaharra edota paseoa ontzian Bilboko itsasadarrean barrena.
3. egunean, uztailaren 13an, goizean zehar berrikuntza prozesuen kohesioaren inguruan hitz egingo da. Andrés García Indak, Zaragozako El Salvador ikastetxeko zuzendari ohiak dinamizatuko duen espazio honetan ondorengo pertsonek parte hartuko dute: Bilboko Colegio Ntra Señora de Begoñako Lehen Hezkuntzako zuzendaria, Maialen Herran; Madrileko Padre Piquer Trebakuntza Zentruko berrikuntza, hezkuntza eta orientazio zuzendaria, Gregorio Casado; Las Palmas-eko DBHko zuzendaria, Mª Isabel Doreste; eta, Oviedoko San Ignacio Ikastetxeko zuzendaria, Luis Ordóñez.
Elkarrizketa honen ondoren, jardunaldira bertaratu direnek Educsiko zentroetan martxan jarri diren hezkuntza berrikuntzen inguruan esperientziak partekatzeko aukera izango dute, 9 gune pedagogikoetan. Jardunaldien azkeneko hitzaldia Javier Gil Ojedak, Trilema Fundazioko Trebakuntza eta Berrikuntza zuzendariak eskainiko du, ostegun arratsaldean.
33. Jardunaldiak DeustUko Unibertsitateko klaustroan eskainiko den itxiera-afariarekin amaituko dira. Educsik antolatzen duen topaketa honek Deustuko Unibertsitatearen, Universidad Pontificia de Comillas-en, SMren eta Loyola Komunikazio taldearen laguntza jasotzen du.
Apirilak 27, 2017 | Berriak
Solidaritate Eguna aukera paregabea izango da ekimen desberdinen bitartez umeen eskubideen inguruan hausnartu, errealitate desberdinak aztertu eta partekatzea bezalako kontzeptuak lantzeko. Ekintza solidarioetatik bildutako dirua Venezuelako Aita Gumilla ikastetxera bidaliko da. Etapaz etapa, hauek dira antolatu diren ekimenak.
Haur Hezkuntza:
- Munduko ume guztien eskubideen aurkezpena Areto Nagusian.
- Martxa solidarioa Areto Nagusitik frontoira.
- Eskulanak instrumentuak sortzeko.
- Merendola solidarioa.
Lehen Hezkuntza:
- Otoitza Aita Gumillako langilea den Victoriak bidalitako esker gutunarekin (LH 2-3 zikloak).
- Bideoa Venezuelako Aita Gumilla ikastetxearen inguruan. (LH 1 zikloa)
- Hamaiketako solidarioa
- Jolas kooperatiboak Alboanek bolondres taldearekin antolatuta.
- Jolas kooperatiboen inguruko hausnarketa.
- Honez gain, aste osoan zehar SAME (Hezkuntzaren Aldeko Munduko Ekintza Astea) ospatuz ekimen desberdinak gauzatuko dira.
DBH
- DBHko ikasleek bizkotxo solidarioak ekarriko dituzte jolas garaian saltzeko.
