Irailaren 22tik 24ra, Arrupe Donostiako kideak Loiolara joan ziren bi egunez kurtsoa prestatu eta ikasturteari elkarrekin hasiera emateko asmoz. Arrupe Elkartea gure ikastetxeko aisialdi taldea da, ikastetxeko hezitzaile taldeari eta begirale gisa aritzen diren ikasle ohiei esker aurrera eramaten dena.
Ametsen asteburua proiektuaren beharrak identifikatu eta erantzunen bila amestu eta proposamenak garatzeko unea da, baita Arruperen aurtengo antolaketa aurkezteko ere. Honez gain, asteburua momentu ezinhobea izaten da Arrupeko kideak berriro elkartzeko eta proiektuarekiko ilusioa eta batasuna indartzeko, ospakizun gakoan.
Irailaren amaieran bigarren topaketa bat egingo da ikastetxean ikasleekin, eta datozen hilabeteetan zehar Arruperen ekimen guztian martxan jarriko dira. Arrupe ere, martxan da!
Urtero bezala, 2023-2024 ikasturtea guraso bilerekin hasiko dugu. Saio hauek bi momentu desberdinetan bereizten dira. Lehenik eta behin, areto nagusian, gure hezkuntza proiektuaren aurkezpen orokorra egingo dugu. Ondoren, familiek, tutoreekin egoteko aukera izango duzue. Haiekin ikasturteko eta eguneroko gai zehatzen inguruan arituko zarete.
Jarraian guraso bileren ordutegi eta egunak gogorarazi nahi dizkizuegu. Bertan ikustea espero dugu. Gu gogotsu itzuliko gara gure hezkuntza proiektua bizitzen jarraitzera.
Pasa den ostiralean 2. Batxilergoko ikasleen graduazioa ospatu genuen. Goizean, Santa Mariara joan ginen, urtero bezala, bertako meza berezia ospatzera. Arratsaldean ospakizuna Deustuko Unibertsitatean izan zen. Orlen banaketa-ekitaldia oroitzeko momentuz beteta egon zen. Mila esker hezitzaile, familia eta lagunei gure ikasleekin “gero arte” honetan egoteagatik.
Martxoaren 27an, 18:00etan, Ate Irekiak egingo ditugu gure Batxilergoko proiektua ezagutzera emateko.
Saioan eskaintzen ditugun Batxilergoko ibilbideak aurkezteaz gain, gure ikasleen hezkuntza proiektuan funtsezkoak diren proiektu gehigarriak aurkezteko aukera izango dugu. Gainera, familien zalantza guztiak argitzeko unea ere izango da.
Duela aste batzuk Diario Vasco aldizkarian gure ikastetxeko Haur Hezkuntzako irakurketa idazketa proiektuaren inguruan artikulu bat publikatu genuen. Neurrira egin dugun proiektu honek, irakurketa eta idazketa osotasunean sustatzeko helburuarekin gauzatu da.
Itziar Alvarezek, Haur Hezkuntzako koordinatzaileak, bideo honetan azaltzen duen moduan, irakurketa idazketa proiektua 4 oinarrizko ataletan antolatu dugu, autore eta eredu desberdinak ikertu eta aztertu ondoren esanguratsuak iruditu zaizkigun 4 ataletan, alegia: kontzientzia fonologikoa, hau da, hotsen identifikazioa; hizkuntza, irakurketa eta idazketa.
4 alor hauek modu dinamikoan lantzen ditugu ikasleekin, jolasen bitartez, era manipulatiboan, hau baita haurrek ikasteko duten modurik eraginkorrena. Gure proiektuan garrantzitsuena ez da irakurtzea edo idaztea, proposatzen dizkiegun ariketak egiteko motibazioa sentitzea baizik. Haiek jolasean dauden bitartean guk badakigulako ezarritako helburu pedagogikoak betetzen ari direla.
Haur Hezkuntzako irakurketa idazketa proiektuaren helburua ez da ikasleek etapa idazten eta irakurtzen amaitzea, trebezia hau Lehen Hezkuntzan lantzen baitute. Hala ere, Haur Hezkuntzako lantaldeak ikusi du, lanketa era honetan eginez, ikasle askok etapa idazten eta irakurtzen amaitzen dutela.
Haur Hezkuntzako etapa momentu esanguratsua da pertsonen garapen eta hezkuntza prozesuan. Familia guztiek hoberena nahi dugu gure seme-alabentzat, zoriontsu eta osasuntsu heztea nahi dugu, baina batzuetan hezkuntzaren erronka ez da erraza izaten. Prozesu honetan zalantzak izatea normala da. Zenbaitetan erreminta edota estrategia zehatzen falta sentitu dezakegu, hezkuntza prozesu zoragarri baino zail honetan bidelagun izan daitezkeen tresnak. “Ongi egiten ari al gara?” galderari erantzuten lagunduko digutenak.
Jesuitak Donostian ikasketa prozesua familia eta hezitzaileen arteko elkarlana dela sinisten dugu, eta horregatik, familiak gure aliatu perfektuak izan daitezen nahi dugu, bidelagun izatea. Elkarrekin lan eginez lortuko baitugu gure ikasleen bertsiorik hoberena indartu eta garatzea.
Ondorioz, bi hitzaldi antolatu ditugu Haur Hezkuntzako familiei zuzenduta. Leyre Acuriolak, ikastetxeko psikologoak, gidatuta, saioen helburua ondo hezteko pauta eta aholkuak ematea izango da.
Saioen egunak ondorengoak izango dira.
Urtarrilaren 26a: 2 urteko eta 3 urteko (HH1) familientzat.
Otsailaren 2a: 4 eta 5 urteko (HH2 -HH3) familientzat.
Saioak 16:30etan izango dira eta haurtzaindegi zerbitzua egongo da. Bertara joateko izen-ematea ezinbestekoa izango da, jarraian duzuen estekan egin daiteke.
Jesuitak Donostiatik aukera hau aprobetxatzera gonbidatu nahi zaituztegu, Leyre Acuriolaren esperientzia eta ezagutzei esker ikasten jarraitzeko.
This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.
3rd Party Cookies
This website uses Google Analytics to collect anonymous information such as the number of visitors to the site, and the most popular pages.
Keeping this cookie enabled helps us to improve our website.
Please enable Strictly Necessary Cookies first so that we can save your preferences!
Additional Cookies
This website uses the following additional cookies:
(List the cookies that you are using on the website here.)
Please enable Strictly Necessary Cookies first so that we can save your preferences!
